بريفينگ بارىسىندا شىمكەنت قالاسى اكىمىنىڭ ورىنباسارى ماقسۇت يساحوۆ قالادا سانيتارلىق-ەپيدەميولوگيالىق تالاپتاردى قاتاڭ تۇردە ساقتاي وتىرىپ, ءبىرىنشى جانە ەكىنشى كەزەڭدە قايتا جۇمىسىن باستايتىن نىساندار تۋرالى جان-جاقتى اقپارات بەردى.
- قالامىزدا بۇگىننەن باستاپ, ءبىرىنشى كەزەڭدە بىرقاتار نىساندار قىزمەتىن قايتا باستاپ, قالىپتى جۇمىس رەجيمىنە ءوتتى. اتاپ ايتساق, حيميالىق تازالاۋ, كىر جۋ, كىلەم تازارتۋ, تۇرمىستىق ء(موبيلدى قۇرىلعىلاردى قوسا), مەديتسينالىق جانە وندىرىستىك جابدىقتاردى جوندەۋ ورتالىقتارى, تۇرمىستىق جانە كەڭسە جابدىقتارىن ساتاتىن دۇكەندەر, اۆتوجۋ, ماي اۋىستىرۋ ورتالىقتارى, تەحنيكالىق قىزمەت كورسەتۋ ستانتسيالارى ىسكە قوسىلۋدا. بارلىق نىساندار ساعات 10:00 مەن 18:00-گە دەيىن جۇمىسىن جالعاستىراتىن بولادى, - دەدى قالا اكىمىنىڭ ورىنباسارى.
سونداي-اق الدىن الا جازىلۋمەن سۇلۋلىق سالوندارى مەن شاشتارازدار, سانيتاريالىق نورمالاردىڭ جانە باسقا دا سانيتاريالىق-كارانتيندىك تالاپتاردىڭ ساقتالۋىمەن جۇزەگە اسپاق. وندا كەلۋشىلەر سانى ءبىر ۋاقىتتا 5 ادامنان اسپاۋى, وتىراتىن ورىنداردىڭ قاشىقتىعى كەم دەگەندە 2 مەتر بولۋى قاجەت.
ماقسۇت پەرنەباي ۇلىنىڭ مالىمدەۋىنشە, ءوتىنىشتى جىبەرۋگە ۇلگەرمەي قالعان كاسىپكەرلەرگە تاعى دا مۇمكىندىك بەرىلىپ وتىر. ياعني, جۇمىسىن باستايتىن نىسان جەتەكشىلەرى 3 مامىر كۇنى ساعات 14:00-گە دەيىن تومەندەگى كورسەتىلگەن پوشتالارعا ءوتىنىمدى جىبەرۋى قاجەت. اباي اۋدانى: karantin.abai@shymkent.gov.kz, ءال-فارابي اۋدانى: karantin.alfarabi@shymkent.
قالا اكىمىنىڭ ورىنباسارى ەكىنشى كەزەڭدە, ياعني 4 مامىردان باستاپ ىسكە قوسىلاتىن نىسانداردى دا اتاپ ءوتتى.
ونىڭ ايتۋىنشا, اقپاراتتىق-كوممۋنيكاتسيالىق كومپانيالار, سونداي-اق 500 شارشى مەتردەن اسپايتىن, بارلىق باعىتتاعى دۇكەندەر, فوتوسالوندار, مەديتسينالىق ورتالىقتار, ستوماتولوگيالىق كلينيكالار جارناما اگەنتتىكتەرى جۇمىسىن باستاماق. سونداي-اق كوشەلەردەگى سپورت الاڭدارى, جەكە كابينالارى بار مونشالار, تەك الدىن الا جازىلۋ بويىنشا ءۇي جانۋارلارى مەن گۇل ساتاتىن دۇكەندەر, جىلجىمايتىن م ۇلىك اگەنتتىكتەرى, كاسىپكەرلەر وسى نىسانعا سايكەس ءوتىنىش بەرىپ, اكىمدىكتىڭ ەلەكتروندىق پوشتاسىنا جىبەرۋى ارقىلى جۇمىسىن جالعاستىرا الادى.
سونداي-اق بريفينگتە شىمكەنت قالاسى بويىنشا تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ ورىنباسارى المات قوساليەۆ ءسوز الىپ, قالا تۇرعىندارىن ساقتىق شارالارىنا نەمقۇرايلى قاراماۋعا شاقىردى.
- قازىرگى تاڭدا قالامىزدا كوروناۆيرۋس ينفەكتسياسىمەن 200-گە جۋىق جاعداي تىركەلىپ وتىر. سوندىقتان ءاربىر جۇمىسىن جالعاسىرۋشى كاسىپكەرلەر بەكىتىلگەن قاۋلىعا سايكەس, سانيتارلىق تالاپتاردى قاتاڭ تۇردە ساقتاۋى مىندەتتى. ءتارتىپ بۇزعان كاسىپكەرلەگە اكىمشىلىك جازا قولدانىلاتىن بولادى, - دەدى ا. قوساليەۆ.
شىمكەنت
