پاسحا مەيرامىمەن قۇتتىقتادى

سىزدەردى پاسحا مەيرامىمەن شىن جۇرەكتەن قۇتتىقتايمىن, دەلىنگەن مەملەكەت باسشىسىنىڭ قۇتتىقتاۋىندا. بۇل – ماحاببات پەن مەيىرىم, تۇسىنىستىك پەن كەشىرىم ءتارىزدى ادامي اسىل قاسيەتتەردى پاش ەتەتىن جارقىن مەرەكە. كوپ ۇلتتىڭ جانە ارقيلى كونفەسسيانىڭ وكىلدەرى مەكەن ەتكەن قازاقستاندا دىنارالىق ءوزارا سىيلاستىقتىڭ يگى داستۇرلەرى ورنىقتى. بۇل ءبىزدىڭ حالقىمىزدىڭ كەڭپەيىلدىلىگى مەن كەمەڭگەرلىگىنىڭ ارقاسىندا, سونىمەن بىرگە مەملە­كەتىمىزدىڭ قوعامداعى بەيبىتشىلىك پەن كەلىسىمدى نىعايتۋعا, ءتۇرلى ءدىني كونفەسسيالار مەن مەملەكەتتەر ارا­سىنداعى جەمىستى ۇنقاتىسۋدى قول­داۋعا باعىتتالعان سىندارلى ساياساتىنىڭ ناتيجەسىندە مۇمكىن بولدى. بۇگىندە ەلىمىزدە بەيبىتشىلىك پەن تىنىشتىق ورناپ وتىر. ءبىز بولا­شاق­قا باتىل كوز تىگىپ, گۇلدەنۋ مەن وركەندەۋ ۇستىندەگى جاسامپاز قا­زاق­ستاندى قۇرۋدامىز. بىزدە مەشىتتەر مەن شىركەۋلەر, كوستەلدەر مەن سيناگوگالار قاتار بوي كوتەرۋدە. ەلوردامىز الەمدىك دىندەردىڭ ديالوگى وتەتىن تانىمال ورتالىققا اينالدى. جاقىندا استانادا ور­تا­لىق ازياداعى ەڭ ءىرى كافەدرالدى سوبور اشىلدى. ونىڭ اشىلۋ سالتاناتىنا ءوزىنىڭ قازاقستانعا جاساعان ءبىرىنشى ساپارى بارىسىندا ماسكەۋ جانە كۇللى رەسەي پاتريار­حى كيريلل كەلىپ قاتىستى. بۇل كۇن ءبىزدىڭ ءار شاڭىرا­عىمىزعا جارقىن ءۇمىت پەن شىنايى شاتتىق اكەلەدى, دەلىنگەن ودان ءارى ەلباسى قۇتتىقتاۋىندا. بۇل تەك تۋعان-تۋىسقا عانا ەمەس, قايىرىم مەن كومەككە مۇقتاج جاننىڭ بارشاسىنا قامقورلىق كورسەتىپ, مەيىر-شاپاعات توگەتىن مەزگىل. ەندەشە ءبىر-بىرىمىزگە مەيىرىمدى دە قايىرىمدى بولايىق! ارقايسىمىز­دىڭ جۇرەگىمىزدەگى, وتباسىمىزداعى, ورتاق وتانىمىز – قازاقستان رەسپۋبليكاسىنداعى بەيبىتشىلىك پەن كەلىسىمدى ودان ءارى دە نىعايتا تۇسەيىك! بارشاڭىزعا, قىمباتتى مەنىڭ وتانداستارىم, باقىت پەن دەنساۋلىق, يگىلىك پەن بەرەكە تىلەيمىن, دەپ اياقتايدى مەملەكەت باسشىسى ءوزىنىڭ قۇتتىقتاۋىن.