«قىمباتتى ەلوردالىقتار! بارشاڭىزدى 1 مامىر – قازاقستان حالقىنىڭ بىرلىگى مەرەكەسىمەن شىن جۇرەكتەن قۇتتىقتايمىن! تاۋەلسىزدىك جىلدارىندا قول جەتكىزگەن ءار جەتىستىگىمىز – كوپەتنوستى ەلىمىزدىڭ تاتۋلىعى مەن تۇتاستىعىنا نەگىزدەلگەن ەلباسى نۇرسۇلتان ءابىش ۇلى نازارباەۆتىڭ ۇستانعان ساياساتتىڭ ايقىن ناتيجەسى.
«بەرەكە-بىرلىكتىڭ المايتىن قامالى, باعىندىرمايتىن بيىگى بولمايدى»,-دەپ قر تۇڭعىش پرەزيدەنتى اتاپ وتكەندەي, ءتۇرلى ۇلت وكىلدەرى ءبىر شاڭىراقتىڭ استىندا ءوزارا سىيلاسىپ, وسى جىلدار ىشىندە كوپتەگەن قيىندىققا توتەپ بەرىپ كەلەمىز. اسىرەسە, ءدال قازىرگىدەي الەمدىك پاندەميامەن كۇرەس كەزى – ەلىمىزدىڭ ىشكى بىرلىگى سىنالاتىن ۋاقىت. الايدا, حالقىمىزدىڭ تۇتاستىعى سىر بەرمەي, قيىن كەزدە ءبىر-بىرىنە كومەك قولىن سوزىپ, وركەنيەتتى قوعام بولىپ قالىپتاسقانىمىزدى كورسەتىپ جاتىرمىز. قر پرەزيدەنتى قاسىم-جومارت توقاەۆ ء«بىزدىڭ بىرلىگىمىز بەكەم, ماقساتىمىز ورتاق, رۋحىمىز اسقاق. سونىڭ ارقاسىندا كەز-كەلگەن قيىندىقتى جەڭىپ, جاسامپازدىق پەن ورلەۋ جولىندا جاڭا بەلەستەردى باعىندىرامىز دەپ سەنەمىن»,- دەپ اتاپ ءوتتى.
مەملەكەت تاراپىنان حالىقتى الەۋمەتتىك-ەكونوميكالىق, مەديتسينالىق جاعىنان قورعاۋ شارالارى تياناقتى جۇرگىزىلۋدە. حالقىمىزدىڭ بىرلىگى مىعىم بولسا, ءبىز المايتىن اسۋ جوق. ەلىمىزدە تۇراقتىلىق ساقتالىپ, بىرلىك پەن ىنتىماقتاستىق ارتا بەرسىن! ارقايسىڭىزعا زور دەنساۋلىق, اماندىق پەن باق-بەرەكە تىلەيمىن!», - دەدى التاي كولگىنوۆ.
