مەملەكەت باسشىسى ن.نازارباەۆتىڭ بيىلعى جولداۋى “جاڭا ونجىلدىق — جاڭا ەكونوميكالىق ورلەۋ — قازاقستاننىڭ جاڭا مۇمكىندىكتەرى” دەپ اتالىپتى. بارشا قازاقستاندىقتار تاعاتسىزدانا كۇتكەن تاريحي قۇجاتپەن ءوزىم وقىرمانى سانالاتىن “ەگەمەن قازاقستاننان” وقىپ, جان-جاقتى تانىسىپ شىقتىم.
ەلباسىنىڭ پارلامەنت پالاتالارىنىڭ بىرلەسكەن وتىرىسىندا جاريالاعان قازاقستان حالقىنا ارناعان جولداۋى الداعى ونجىلدىقتا ەلىمىزدى ودان ءارى وركەندەتۋدىڭ باستى مىندەتتەرىن ايقىنداپ بەرۋمەن ەرەكشەلەنەدى. جانە ءبىر قۇندىلىعى, 1997 جىلى قابىلدانىپ, ۇزاق مەرزىمگە ارنالعان “قازاقستان-2030” ستراتەگياسىنىڭ باستى ماقساتتارى مەن باسىمدىقتارى ايقىن كورىنىپ, زاڭدى جالعاسىن تاۋىپ جاتۋىندا دەر ەدىم. پرەزيدەنت اتاپ وتكەندەي, ءححى عاسىرداعى العاشقى ونجىلدىقتا ەلىمىز سەرپىندى دامۋىن ءساتتى جالعاستىرىپ, قۋاتتى دا تابىستى مەملەكەتكە اينالدى. ەندىگى ماقسات – ەلىمىزدىڭ الداعى ونجىلدىقتاعى ەكونوميكالىق ورلەۋىن قامتاماسىز ەتىپ, جاڭا مۇمكىندىكتەرگە جول اشۋ. ونىڭ ناقتى تالاپتارى مەن مىندەتتەرى جولداۋدا اتاپ كورسەتىلىپ, قازاقستاندىق جولدىڭ كوشباسشىلىق نۇسقاسى قولمەن قويعانداي جىلىكتەپ بەرىلگەن. ماعان, اسىرەسە, ەكونوميكانى ءارتاراپتاندىرۋ ماسەلەلەرى بويىنشا ايتىلعان ويلار قاتتى ۇنادى. بۇگىنگىدەي كۇردەلى كەزەڭدە وركەنيەتتى, دامىعان ەلدەر قاتارىنا جەتۋ, ولارمەن تەڭەسۋگە ۇمتىلۋ وتە قۇپتارلىق. ۇلتتىق ەكونوميكانىڭ باسەكەگە قابىلەتتىلىگىن ارتتىرۋ, ەڭبەك ونىمدىلىگىن ەسەلەپ ءوسىرۋ, وزىق يننوۆاتسيالاردى وندىرىسكە ەنگىزۋ اسا ماڭىزدى مىندەت بولىپ تابىلادى. سونداي-اق ءار وڭىردەگى ءاربىر يندۋستريالىق جوبا جەرگىلىكتى بيلىكتىڭ عانا ەمەس, سونىمەن بىرگە جۇرتشىلىقتىڭ دا ايرىقشا باقىلاۋىنا الىنۋى تيىستىلىگى بولە-جارا ايتىلعان. بۇل ورايدا كاسىپوداق ايرىقشا ازاماتتىق بەلسەندىلىك تانىتىپ, ءوز ۇلەستەرىن قوسا الارىنا سەنىمدىمىن. ماسەلەن, ازىق-ت ۇلىك باعاسىن قولجەتىمدى ەتۋ, جۇمىسسىزدىق سانىن ازايتۋ, جاڭا جۇمىس ورىندارىن اشۋ ماسەلەلەرى بويىنشا وبلىستىق كاسىپوداق اكىمدىكپەن, جۇمىس بەرۋشىلەرمەن ۇشجاقتى كەلىسىمگە كەلۋدىڭ ارقاسىندا ناقتى ىستەر تىندىرىلدى. دەمەك, ەلىمىزدەگى كاسىپوداق ارمياسىنا ارقا سۇيەي وتىرىپ, ورتاق ىسكە جۇمىلدىرا بىلسەك, يندۋستريالىق جوبالار بۇكىل ەلىمىزدىڭ جالپىۇلتتىق مىندەتىنە اينالارى ءسوزسىز. جولداۋدا عىلىم جانە بىلىمگە ۇلكەن كوڭىل ءبولىنىپ, ناقتى ۇسىنىستاردىڭ بەلگىلەنۋىن سولتۇستىكقازاقستاندىق ۇستازدار قاۋىمى قۋانىشتى سەزىممەن قارسى الدى. بۇل سالادا اتقارىلاتىن شارۋالار قىرۋار. سولاردىڭ بىرى—مەكتەپ جاسىنا دەيىنگى تاربيە بەرۋ جانە وقىتۋ ءىسىن جەتىلدىرۋ. وسىعان وراي “بالاپان” باعدارلاماسىنىڭ ۇسىنىلۋى وتە قۇپتارلىق. 2020 جىلعا قاراي ورتا ءبىلىم بەرۋدە 12 جىلدىق وقىتۋ مودەلىنىڭ تابىستى جۇمىس ىستەۋى ءۇشىن ۇكىمەت بىرقاتار شارالار اتقاراتىن بولىپ بەلگىلەندى. مۇنىڭ ءبارى ەلىمىزدىڭ ەرتەڭگى ازاماتتارىن قالىپتاستىرۋ جولىنداعى ارشىندى قادامدار دەر ەدىك. ءبىر سوزبەن ايتقاندا, ەلىمىزدىڭ الداعى ونجىلدىق دامۋ باعىتتارىن ايقىن بەلگىلەپ بەرگەن جولداۋ قاعيداتتارى ەرتەڭگە دەگەن بەرىك سەنىمدى ۇشتاپ, جىگەرلەندىرە تۇسەدى. نازىمبەك ورازىمبەتوۆ, سولتۇستىك قازاقستان وبلىستىق ءبىلىم جانە عىلىم قىزمەتكەرلەرى كاسىپوداعى كوميتەتىنىڭ توراعاسى.
