عازيزا جۇبانوۆا اتىنداعى وبلىستىق فيلارمونيادا وبلىستىق جاستار ساياساتى ءماسەلەلەرى باسقارماسى مەن وبلىس اكىمى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ ۇيىمداستىرۋىمەن جاس وتباسىلاردىڭ «جاس وتاۋ – 2013» وبلىستىق بايقاۋى ءوتتى.
عازيزا جۇبانوۆا اتىنداعى وبلىستىق فيلارمونيادا وبلىستىق جاستار ساياساتى ءماسەلەلەرى باسقارماسى مەن وبلىس اكىمى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ ۇيىمداستىرۋىمەن جاس وتباسىلاردىڭ «جاس وتاۋ – 2013» وبلىستىق بايقاۋى ءوتتى. بايقاۋدىڭ ماقساتى – وتباسى بەدەلىن كوتەرۋ, بالالاردىڭ قۇقىقتارىن قورعاۋ, نەكە جانە وتباسى قۇندىلىعىن ناسيحاتتاۋ بولىپ تابىلادى. وعان قالا جانە اۋدانداردان جاس وتباسىلار قاتىستى. قازىرگى تاڭدا وبلىس بويىنشا 4726 جاس وتباسى بار. ولارعا ءتيىستى الەۋمەتتىك قولداۋ جاسالۋدا. بۇعان ناقتى مىسال, ۇستىمىزدەگى جىلى 216 وتباسىنا «نۇر اقتوبە» شاعىن اۋدانىنان باسپانا بولىنگەلى وتىر.
بايقاۋدىڭ العاشقى كەزەڭىندە جاس وتباسىلارى وزدەرىن تانىستىرسا, ەكى كەزەڭىندە ونەر سايىسىنا ءتۇستى. «جۇيرىكتەن جۇيرىك وزار جارىسقاندا» دەگەندەي, ءبىرىنشى ورىندى ويىلدىق ماحمەتوۆتەر, ەكىنشى ورىندى شالقار اۋدانىنان كەلگەن ماحمۇتوۆتار, ءۇشىنشى ورىندى حرومتاۋلىق ءبىرىمجانوۆتار يەلەندى. مارتوك اۋدانىنان كەلگەن ۇزاقباەۆتار جانە قوبدا اۋدانىنان كەلگەن قابىلوۆتار وتباسى ارنايى نوميناتسيالار بويىنشا جەڭىمپاز اتاندى. جەڭىمپازدار مەن جۇلدەگەرلەرگە باعالى سىيلىقتار مەن ديپلومدار تاپسىرىلدى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
