توتەنشە جاعداي كەزىندە ۆولونتەر جاستاردىڭ دا سىنالعان شاعى بولدى دەسەك ارتىق ايتپاسپىز. ويتكەنى, ولار كومەككە مۇقتاج جاندارعا جاردەم كورسەتۋمەن اينالىسىپ, دەزينفەكتسيالىق جۇمىستارعا اتسالىستى. تاۋلىك بويى شۇعىل قوڭىراۋ قابىلدايتىن قاۋىرت جەلىدە تەلەفونعا جاۋاپ قاتۋ دا وڭاي ەمەس. سونداي-اق, ءوڭىر ەرىكتىلەرىنىڭ اتسالىسۋىمەن 50 مىڭ مەديتسينالىق ماسكا تىگىلىپ, تاراتىلدى. الەۋمەتتىك جاعدايى تومەن, از قامتىلعان جانە كوپ بالالى وتباسىلار مەن جالعىزباستى انالارعا, جالپى 10 مىڭ وتباسىنا الەۋمەتتىك كومەك كورسەتىلىپ, ازىق-ت ۇلىكپەن قامتاماسىز ەتىلدى. ءارى ۆولونتەرلار جالعىزباستى قاريالاردىڭ ۇيلەرىنە تازالىق جۇمىستارىن جۇرگىزەدى.
جالپى, قازىر الماتى وبلىسىنداعى ۆولەنتەرلەردىڭ جۇمىسىن ءبىر ارناعا توعىستىرعان «مەيىرىمدى جەتىسۋ» فرونت-كەڭسەسىنىڭ جۇمىسى قىزا تۇسكەن. ال جاستاردىڭ قوعامدى ىلگەرى سۇيرەۋگە قوسقان ۇلەسى مەملەكەت تاراپىنان دا ەلەنىپ وتىر. وسى فرونت-كەڭسەنىڭ ۇيلەستىرۋشى جانسايا سماعۇلوۆا ۆولەنتەرلىك قىزمەتى مەن توتەنشە جاعداي كەزىندەگى ەرىكتىلەردىڭ جۇمىسىن جوعارى دەڭگەيدە ۇيىمداستىرعان ءۇشىن مەملەكەت باسشىسى قاسىم-جومارت توقاەۆتىڭ العىس حاتىمەن ماراپاتتالدى. پرەزيدەنتتىڭ العىسىن جانساياعا وبلىس اكىمى اماندىق باتالوۆ تابىس ەتتى. قۇتتىقتاۋ بارىسىندا وبلىس باسشىسى جانسايانىڭ توتەنشە جاعداي كەزىندە ۇجىمدىق ەرىكتىلىكتى ۇيىمداستىرۋداعى, مۇقتاج جاندارعا قول ۇشىن سوزۋ جۇمىستارىن ۇيلەستىرۋدەگى, ۆولونتەرلەردىڭ اتقارعان ىستەرىن بۇقارالىق اقپارات قۇرالدارىندا ناسيحاتتاۋداعى ۇلەسىن اتاپ ءوتىپ, پرەزيدەنتتىڭ العىس حاتىن جانە سىي رەتىندە ءوزىنىڭ قولتاڭباسى بار كىتاپ تابىستادى.
- بۇل ماراپات ماعان عانا ەمەس, بارلىق جەتىسۋلىق ەرىكتىلەرگە بەرىلگەن ماراپات دەپ دەپ بىلەمىن. ءبىز بىرلىگىمىزبەن عانا كۇشتىمىز. مەن جالعىز ءوزىم ەشتەڭە تىندىرا الماس ەدىم, سوندىقتان بۇل - ورتاق جەڭىس. بۇگىنگى العىس حات بۇدان بىلايعى جۇمىسىمىزعا ۇلكەن سەرپىن بەرەدى. پرەزيدەنتىمىزگە ۆولونتەرلەردىڭ جۇمىسىن نازاردان تىس قالدىرماعانىنا ريزاشىلىعىمىزى بىلدىرەمىز. بۇل جۇمىستاردى ءبىز ءوز اتىمىزدى شىعارۋ ءۇشىن ەمەس, جۇرەك قالاۋىمەن جاساپ ءجۇرمىز. ءبىز ءۇشىن ەڭ ۇلكەن ماراپات – حالىقتىڭ العىسى, - دەيدى «مەيىرىمدى جەتىسۋ» فرونت-كەڭسەسىنىڭ ۇيلەستىرۋشىسى جانسايا سماعۇلوۆا.
الماتى وبلىسى
