اۋىل شارۋاشىلىعىنىڭ وركەندەۋى, دامۋى قارجىلاندىرۋ ماسەلەسىمەن تىكەلەي بايلانىستى. وكىنىشكە قاراي, ەلدەگى جاعداي قازىرگىدەن جاقسى كەزدە اگرارلىق سەكتوردى ينۆەستيتسيالاۋعا ونشا كوڭىل بولمەگەن ەكىنشى دەڭگەيلى بانكتەر داعدارىس كەزىندە ءتىپتى ق ۇلىقسىزدىق تانىتۋى مۇمكىن. ينۆەستورلار دا اۋىلعا كوپ جولاي بەرمەيتىنى اقيقات. سوندىقتان اگرارلىق سالانىڭ نەگىزگى قارجىلاندىرۋشى تىرەگى مەملەكەت بولىپ وتىر. مەملەكەت شارۋانىڭ ۇدەسىنەن شىعاتىنىن كورسەتۋدە.
ەل پرەزيدەنتى كوكتەمگى ەگىس ناۋقانى دۇرىس ۇيىمداستىرىلىپ, جۇمىسقا ەشقانداي كەدەرگى بولماۋى كەرەكتىگىن ەسكەرتتى. شارۋالار ءۇشىن بيۋدجەتتەن 200 ملرد تەڭگە ءبولۋدى تاپسىردى. ونىڭ جارتىسىنا جۋىعى تۇقىم ءوندىرىسىن دامىتۋعا, تىڭايتقىش ساتىپ الۋعا جۇمسالماق.
ۇكىمەت تاراپىنان فەرمەرلەرگە جەڭىلدەتىلگەن نەسيە بەرۋ جولدارى دا قاراستىرىلعان. بۇرىنعىداي قاپتاعان قۇجاتتان جيناپ, ونى نەسيە بەرۋشىلەرگە تاسىپ اۋرە بولمايسىز. ۇيدە وتىرىپ-اق ەلەكتروندى تۇردە بارلىق جۇمىستى رەتتەۋگە جاعداي جاسالدى. بيىل تۇقىم الۋ ماسەلەسى فەرمەرلەردىڭ ءبىرازىن الاڭداتقان ەدى. تۇقىمدى بىردەن ساتىپ الۋعا شاعىن كاسىپكەرلەردىڭ شاماسى جەتە بەرمەيدى. ەندى, مىنە, تولەمدى تولىق جاساماي, ءبولىپ بەرۋگە مۇمكىندىك تۋدى. وعان قوسا ۋاقىتشا سالىقتان بوساتۋ تۋرالى شەشىم قابىلداندى. وسى سياقتى جەڭىلدىكتەردىڭ ناتيجەسىندە شاعىن كاسىپكەرلەردىڭ جۇمىسى ءونىمدى بولاتىنىنا سەنىمدىمىن.
قازىر تەحنيكالىق جابدىقتارعا مۇقتاج شارۋالار بۇرىنعىدان ازايدى. مەملەكەت تاراپىنان كورسەتىلگەن كومەكتىڭ قولجەتىمدىلىگىن ءالى تۇسىنبەي جۇرگەندەر بولماسا, كوپشىلىگى ماسەلەسىن شەشىپ الدى. اۋىل شارۋاشىلىعىن دامىتۋ قوماقتى قوردى قاجەت ەتەدى دەسەك, ۇكىمەت تاراپىنان بولىنگەن قاراجات بۇل سالانى تولىقتاي اياقتان تۇرىپ كەتۋىنە سەپ بولارى ءسوزسىز.
كورشى ەلدەر ازىق-ت ۇلىك تاپشىلىعىنا تاپ بولماۋ ءۇشىن اگرارلىق سەكتورعا جاسالاتىن قولداۋدى كۇشەيتىپ, ءوندىرىس كولەمىن ارتتىرۋ, ىشكى ازىق-ت ۇلىك نارىعىن تۇراقتاندىرۋ سياقتى ماسەلەلەرگە ەرەكشە ءمان بەرىپ وتىر. قازاقستاندا قولعا الىنعان شارالار ەلدىڭ ازىق-ت ۇلىگىن قاۋىپسىزدىگىن بەكەمدەپ قانا قويماي, كورشى ەلدەردىڭ تاۋار ەكسپانسياسىنا دا تويتارىس بەرۋگە كومەكتەسەدى دەپ سانايمىن.
ەرمەك ونەرباەۆ,
«المەس» شارۋا قوجالىعىنىڭ باسشىسى
الماتى وبلىسى
