وسىعان وراي مەملەكەت باسشىسى قاسىم-جومارت توقاەۆ قازاقستان حالقىنا ارناعان ۇندەۋىندە ەلدىڭ باسىنا تۇسكەن اۋىرتپالىققا نازار اۋدارا وتىرىپ, «...قازىرگىدەي كۇردەلى كەزدە ءاربىر ازامات ءبىزدىڭ نازارىمىزدا بولادى. مەملەكەت ەشكىمدى قيىندىقتا قالدىرمايدى» دەپ ايتتى. وسى ءتىلسىز جاۋمەن ارپالىسىپ جۇرگەن دارىگەرلەر قاۋىمىنىڭ ولشەۋسىز ەڭبەگىن اتاي وتىرىپ, ولارعا ۇكىمەت تاراپىنان بەرىلىپ جاتقان ەرەكشە قولداۋ, ەلدەگى كوروناۆيرۋس جاعدايىندا قوزعالعان ماسەلەلەر مەن ونى شەشۋ جولدارى تىلگە تيەك ەتىلدى.
ءار نارسەنىڭ ءبىر قايىرى بولادى, وسى ىزگى حاباردان كەيىن ەل ارقاسى ءبىر كەڭىپ قالعانداي اسەر قالدىردى. «جۇمىلا كوتەرگەن جۇك جەڭىل» دەمەكشى, حالىق بولىپ وسى مالىمدەمەدەگى پرەزيدەنت ايتقان تالاپتار مەن قاراپايىم ەرەجەلەردى بۇلجىتپاي ورىنداپ, قاتەردەن امان شىعۋ بارشا ازاماتتىڭ ءوز قولىندا. سول سەبەپتى, ءبىر جاعادان باس, ءبىر جەڭنەن قول شىعارا وتىرا, پرەزيدەنت ۇندەۋىن شامشىراق قىلىپ ۇستاپ, قيىندىقتى بىرلەسە جەڭىپ شىعاتىنىمىزعا سەنىمىمىز مول.
باۋىرجان ىدىرىسوۆ,
مەملەكەت تاريحى ينستيتۋتىنىڭ عىلىمي قىزمەتكەرى, تاريح ماگيسترى
