سونىمەن بىرگە ول جەڭىستىڭ 75 جىلدىعى قارساڭىندا «Birgemiz» قورىنان ۇلى وتان سوعىسىنىڭ 40 مىڭ قاتىسۋشىسى مەن مۇگەدەگى, سونداي-اق تىل ەڭبەككەرلەرى 50 مىڭ تەڭگەدەن تولەماقى العانىن, 800-دەن استام ارداگەر مەن 8 مىڭ تىل ەڭبەككەرىنە ازىق-ت ۇلىك سەبەتتەرى مەن جەكە قورعانىس قۇرالدارى جەتكىزىلگەنىن, ارداگەرلەرگە قولداۋ كورسەتۋ جۇمىستارى ءارى قاراي دا جالعاساتىنىن اتاپ ءوتتى.
كومەك الۋشىلاردىڭ تىزىمدەرى ەڭبەك جانە حالىقتى الەۋمەتتىك قورعاۋ مينيسترلىگىنىڭ ۇسىنىمى نەگىزىندە بەلگىلەنگەن 7 كاتەگوريا بويىنشا اكىمدەر تاراپىنان بەرىلگەن بولاتىن.
ولاردىڭ ىشىندە از قامتىلعان جانە كوپ بالالى وتباسىلار, مۇقتاج مۇگەدەك جاندار, مۇمكىندىگى شەكتەۋلى بالا تاربيەلەپ وتىرعان وتباسىلار, ەڭ تومەنگى زەينەتاقى الاتىن جانە الەۋمەتتىك جاعىنان ءالسىز توپقا كىرەتىن زەينەتكەرلەر, جەتىم بالالار, ۇوس ارداگەرلەرى مەن ولارعا تەڭەستىرىلگەن تىل ەڭبەككەرلەرى بار.
«قوردان بەرىلەتىن كومەكتىڭ ەكىنشى تولقىنى اياسىندا 10,5 ملرد تەڭگە كولەمىندە قاراجات ءبولىندى. قور رەسۋرستارى شەكتەۋلى, سول سەبەپتى قولداۋ شىنىندا كومەككە مۇقتاج, ماتەريالدىق جاعدايى تومەن ازاماتتارعا عانا كورسەتىلەتىن بولادى», دەدى قور توراعاسى رۋسلان ساكەەۆ.
