ءوز ۇلەسىمىزدى قوسامىز

بىزدەر – ۇستازدار قاۋىمى ەلباسىنىڭ جىل سايىن­عى جول­داۋلارىنىڭ ورىندالۋى­نىڭ ناقتى كۋاگەرلەرىمىز. بيىل نۇرسۇلتان ءابىش ۇلى بيۋدجەتتىك سالا قىز­مەتكەرلەرىنىڭ جالاقىسى 25 پايىز­عا كوتەرىلەتىنىن ءمالىم­دەدى. 1-ءشى ءساۋىر­دە ول تاپسىرماسى جۇزەگە اسى­رىلىپ, كوپشىلىك قۋانىشقا بولەن­دى. بۇل – بىلتىرعى جىلى باستال­عان ءىستىڭ جالعاسى. سونداي-اق, ەلى­مىزدىڭ جوعارى وقۋ ورىن­دا­رىنىڭ ساپاسىن الەمدىك ستان­دارتتارعا جەتكىزۋ جونىندە دە قا­داپ ايتتى. جىل سايىن ءبىلىم سالاسى وركەن­دەپ, ءورىسىن كەڭەيتىپ كەلەدى. بۇگىنگى كۇنگى جاستارعا جاسال­عان قامقورلىق, ارينە, ەرتەڭگى كۇنمەن ساباقتاس بولماق. ستۋ­دەنتتەرگە ارناپ زاماناۋي جاتاق­حانالار, جاڭا ۇلگىدەگى كورپۋستار, ەلەكتروندى كىتاپحانالار سا­لىن­دى. مۇنىڭ بارلىعى جاستاردىڭ ءبىلىمىن جەتىلدىرۋ ءۇشىن جاساعان يگى قادام ەكەنى ءسوزسىز. ءاربىر وب­لىس ورتالىعىندا تۇڭعىش پرە­زيدەنت اتىنداعى ينتەللەكتۋالدىق مەك­تەپتەر سالىنۋدا. بۇگىندە قى­زىلوردا قالاسىنداعى وسىنداي مەكتەپتىڭ قۇرىلىسىنا قاراپ ءتانتى بولۋدامىز. ونىڭ بولا­شاق­تا ناعىز ءXXى عاسىردىڭ ين­تەل­لەكتۋالدى ۇرپاقتارىن ءتار­بيەلەيتىن ۇزدىك وقۋ ورداسى بولاتىنىنا سەنىمدىمىز. ەلباسى جولداۋىن تەلەديدار ارقىلى تاماشالاپ, پرەزيدەنت­تىڭ جۇرگىزىپ وتىرعان سىندارلى ساياساتىنا ءتانتى بولدىق. ەلى­مىزدىڭ ىشكى جانە سىرتقى ساياساتى تۋرالى سۇبەلى ويلارى ءبىزدىڭ بو­لاشاققا دەگەن سەنىمىمىزدى قا­تايت­تى. وعان قوسا بارىس جىلى ەلىمىزدىڭ ەقىۇ-عا توراعالىق ەتۋى ءاربىر قازاق­ستاندىق ءۇشىن ۇلكەن ماقتانىش. كەدەندىك وداق تا قازاقستاننىڭ تاۋار اينا­لىمىن جەتىلدىرىپ, باسەكەگە قابىلەتتى بولۋعا ۇيرەتەتىن ءساتتى قادامداردىڭ ءبىرى. ۇستاز رەتىندە ەلىمىزدىڭ ءبىلىم بەرۋ سالاسىن دامىتۋعا, جاستارى­مىز­دىڭ ەرتەڭگە دەگەن كوزقاراسىن قالىپتاستىرۋعا, جولداۋدا اتاپ كورسەتىلگەنىندەي ءوز ۇلەسىمىزدى قوسا بەرەتىنىمىزدى ايتقىم كەلەدى. گۇلشات راسمۇحانوۆا, “بولاشاق” ۋنيۆەرسيتەتىنىڭ وقىتۋشىسى. قىزىلوردا.