ەلوردادا ۇلتتىق اكادەميالىق كىتاپحانادا رەسپۋبليكالىق قوعامدىق-ساياسي «حالىق ءسوزى» گازەتىنىڭ شىققانىنا 3 جىل تولۋىنا ارنالعان شارا ءوتتى. اتالمىش شارانى وتكىزۋگە «باس رەداكتورلار كلۋبى» قوعامدىق بىرلەستىگى مەن ۇلتتىق اكادەميالىق كىتاپحانا ۇجىمى مۇرىندىق بولىپ وتىر.
ەلوردادا ۇلتتىق اكادەميالىق كىتاپحانادا رەسپۋبليكالىق قوعامدىق-ساياسي «حالىق ءسوزى» گازەتىنىڭ شىققانىنا 3 جىل تولۋىنا ارنالعان شارا ءوتتى. اتالمىش شارانى وتكىزۋگە «باس رەداكتورلار كلۋبى» قوعامدىق بىرلەستىگى مەن ۇلتتىق اكادەميالىق كىتاپحانا ۇجىمى مۇرىندىق بولىپ وتىر.
جيىندا ءسوز العان «باس رەداكتورلار كلۋبى» قب پرەزيدەنتى كەنجەبولات جولدىباي «حالىق ءسوزىنىڭ» اتقارىپ جاتقان يگى جۇمىستارىنا ءوز ريزاشىلىعىن بىلدىرە كەلە, شىعارماشىلىق ۇجىمعا تابىستار تىلەدى. سونداي-اق, جازۋشى تالاسبەك اسەمقۇلوۆ پەن جۋرناليست ەسكەندىر ەرتاي باسىلىمنىڭ ەرەكشەلىكتەرىنە توقتالىپ, ءوز ويلارىن ورتاعا سالدى.
«بيىل باسىلىمنىڭ شىققانىنا 3 جىل تولۋىنا وراي ارنايى جيناق شىعارعان ەدىك. بۇگىن سونىڭ تۇساۋىن كەسىپ وتىرمىز. بۇل تەك قۇراستىرۋشى مەنىڭ عانا ەمەس, بۇكىل ۇجىمنىڭ ەڭبەگى دەپ بىلەمىن», دەدى «حالىق ءسوزى» گازەتىنىڭ باس رەداكتورى قۋات اۋەسباي. بەلگىلى سپورت ءجۋرناليسى نەسىپ ءجۇنىسباي ۇلى «حالىق ءسوزى» گازەتى جايىندا تولعامدى ويلارىن ايتا كەلە, قازىر ينتەرنەت زامانى دەگەنمەن, زەردەلى وقىرماندار تۇرعاندا گازەت-جۋرنالدىڭ ومىرشەڭ بولاتىندىعىن جەتكىزدى.
كىتاپقا سوڭعى ءۇش جىلدا «حالىق ءسوزى» رەسپۋبليكالىق قوعامدىق-ساياسي گازەتىندە جاريالانعان ماقالالار مەن سۇحباتتاردىڭ ەڭ نەگىزگىسى سۇرىپتالىپ ەنگىزىلگەن. باسىلىمنىڭ ءبىرىنشى بولىمىندە بۇگىنگى كۇننىڭ ەڭ وزەكتى ماسەلەسى ارقاۋ بولعان ماقالالار, ال ەكىنشى بولىمىندە ءوز ويلارىن بارىنشا اشىق ءارى باتىل ايتا بىلگەن تۇلعالاردىڭ سۇحباتتارى توپتاستىرىلعان.
ءابدىراحمان قىدىربەك,
«ەگەمەن قازاقستان».
