الار اسۋ الدا

بۇل جولداۋ باسقالاردان وزگە­شە­رەك. دەسەك تە, مەملەكەت باسشىسى جولداۋلارىنىڭ ارا­سىنداعى ساباقتاستىقتى بايقاۋ قيىن ەمەس. باسقالارىن بىلاي قويعاندا, سوڭعى ءۇش جولداۋدا ۇندەستىككە ارقاۋ بولىپ وتىرعان “جاڭا”, “جاڭارۋ”, “دامۋ” ءسوز­دەرىنىڭ ءوزى-اق تۇپكى ماقساتى­مىزدى ايقىن اڭعارتىپ تۇر. ال, تۇپكى ماقساتىمىز – جا­ڭارۋ, دامۋ ارقىلى تۋعان ەلىمىزدىڭ الەمنىڭ وزىق مەملەكەتتەرى قاتارىنا قوسىلۋىنا قول جەتكىزۋ. دامۋ ناتيجەسى ءوسىپ-وركەندەۋ, ول حالقىمىزدىڭ جاسامپاز ىستەرى ارقىلى كورىنىس تابادى. جاسام­پاز­دىقتىڭ سالتانات قۇرۋىنىڭ ءبىر دالەلى رەتىندە نۇرسۇلتان ءابىش ۇلى سوڭعى ون جىلدا 652 مەكتەپ پەن 463 دەنساۋلىق ساقتاۋ نىسانى سالىنعا­نىن اتاپ كورسەتتى. وسى جالاڭ تسيفرلاردىڭ وزىنەن-اق ەلىمىزدىڭ دامۋ قارقى­نىن باعامداي الاسىز. ءيا, جىلدان-جىلعا قازاقستان­دىقتاردىڭ ءال-اۋقاتى ارتىپ, مۇ­نى سىرتتاعىلار دا تانىپ, ءبىلىپ وتىر. وعان جولداۋدىڭ مىنا ءبىر جولدارى ايعاق: ء“بىزدىڭ جە­تىس­تىك­تەرىمىزدى مويىنداي وتىرىپ, بۇۇ ءوزىنىڭ 2009 جىلعى بايانداما­سىن­دا قازاقستاندى ادام الەۋەتىنىڭ جوعارى دەڭگەيى بار ەلدەر سانا­تىنا قوستى. بۇل – ءبىزدىڭ وسكەن ءال-اۋقاتىمىزدىڭ داۋسىز دالەلى!” ادام الەۋەتى دەمەكشى, ول ءوزىنىڭ ماڭىزدى كومپونەنتتەرىنىڭ ءبىرى – ءبىلىم مەن بىلىك ارقىلى نىعايىپ, بەكي تۇسەدى. سوندىقتان بولار, جاڭا جولداۋدىڭ ءبىر تاراۋىن ەلباسى ن.نازارباەۆ “ادام – ەلدىڭ باستى بايلىعى” دەپ اتاپ, ەلدى جاڭعىرتۋ ستراتە­گيا­سىنىڭ تابىستىلىعى, ەڭ ال­دى­مەن, قازاقستاندىقتاردىڭ ءبىلى­مىنە, الەۋمەتتىك جانە دەنە بول­مىسى, كوڭىل-كۇيلەرىنە بايلا­نىستى ەكەنىن العا تارتتى. ەلباسىنىڭ كەزەكتى جولداۋىن ادەتتەگىدەي مۇقيات تىڭداپ, ەرتە­ڭىنە-اق “ەگەمەن قازاقستاندا” جارىق كورگەن ءماتىنىن زەيىن قويا وقىپ, كوپ نارسەنى وي ەلەگىنەن وتكىزگەنىممەن, جانىما جاقىن ءبىلىم بەرۋ, ونىڭ ىشىندە كاسىپتىك ءبىلىم بەرۋ جۇيەسىنە قاتىستى: “كاسىپتىك جانە تەحنيكالىق ءبىلىم بەرۋ كاسىبي ستاندارتتارعا نەگى­ز­دە­لىپ, قاتاڭ تۇردە ەكونوميكانىڭ قاجەتتىلىكتەرىمەن ءوزارا بايلا­نىستىرىلۋى كەرەك”, دەگەن ءبىر اۋىز ءسوزىن استىن سىزا وتىرىپ, قايتالاپ وقىپ شىقتىم. كەيىن جولداۋدى ۇجىم بولىپ تالداعان كەزدە وسى ءبىر از دا بولسا, ساز اي­تىلعان سوزدەر سالا قىزمەت­كەر­لەرىنە قانشاما جاۋاپكەرشىلىك جۇكتەيتىنى ەرەكشە اتاپ ءوتىلدى. جولداۋعا قولداۋ – ول جول­داۋدى تەك تىڭداۋ, ءيا بولماسا وقىپ شىعۋ عانا ەمەس, وعان ءار ازاماتتىڭ ناقتىلى ىسىمەن جاۋاپ بەرۋى, قويىلعان ماقساتتار مەن مىندەتتەردىڭ جۇزەگە اسۋىنا تىكە­لەي اتسالىسۋى, كاسىبىنە قاتىستى كەز كەلگەن ماسەلەنى شەشە الۋى, باسەكەگە قابىلەتتى بولۋى دەگەن ءسوز. ۇجىم مۇشەلەرىنىڭ پىكىرى وسىلايشا ءبىر جەرگە توعىستى. پ.سۇيىنكينا, ى.التىنسارين اتىنداعى الەۋمەتتىك-گۋمانيتارلىق كوللەدجىنىڭ وقىتۋشىسى, قر ءبىلىم وزاتى. قوستاناي وبلىسى, رۋدنىي قالاسى.