ۇيلەستىرۋ كەڭەسىنەن ءۇمىت مول

پرەمەر-مينيستر كارىم ءماسىموۆ ۇكىمەت جانىنان كاسىپكەرلىك ماسەلەلەرى جونىندەگى ءبىرتۇتاس ۇيلەستىرۋ كەڭەسىن قۇرۋ بويىنشا كەڭەس وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى. كاسىپكەرلىك ماسەلەلەرى ءجو­نىن­دەگى ءبىرتۇتاس ۇيلەستىرۋ كەڭەسى مەملەكەت باسشىسىنىڭ پرەزي­دەنت جانىنداعى كاسىپكەرلەر كەڭەسىنىڭ جالپى وتىرىسىندا ۇستىمىزدەگى جىلدىڭ 26 اقپانىن­دا بەرگەن تاپسىرماسىن ورىنداۋ ماقساتىندا قۇرىلعالى وتىر. اتالمىش كەڭەسۋشى ورگاندى قۇرۋ ارقىلى ورتاق شەشىمدەر قالىپتاستىرۋ جانە ماڭىزدى مەم­لەكەتتىك باعدارلامالاردى ءجۇ­زەگە اسىرۋ ماقساتىندا مەم­لە­كەت پەن بيزنەستىڭ بىرلەسۋى ءۇشىن ءتيىمدى الاڭقاي پايدا بول­ماقشى. “اتامەكەن” وداعى, قازاق­ستان كاسىپكەرلەرى فورۋمى, ساۋ­دا-ەكونوميكالىق پالاتا وكىل­دە­رى, قارجىگەرلەر, ەكونوميستەر ءبىر­­لەس­تىكتەرى جانە بىرقاتار سا­لا­لىق بيزنەس قاۋىمداستىقتار قۇ­رىل­عا­لى وتىرعان ۇيلەستىرۋ كەڭە­سىنىڭ جۇمىسىنا بەلسەندى اتسا­لى­سۋعا دايىن ەكەندىكتەرىن ءبىلدىردى. تالقىلاۋ قورىتىندىسىندا ك.ءماسىموۆ قىسقا مەرزىم ىشىندە كەڭەس قۇرۋ جونىندەگى ۇكىمەت قاۋلىسىن ازىرلەپ, الداعى اپتادان باستاپ جاڭا كەڭەسۋشى ورگاننىڭ العاشقى وتىرىسىن وتكىزۋ جونىندە تاپسىرما بەردى.