قازىنالى تۇبەكتە قارقىندى جوبالار بار

كەشە پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشوۆ ماڭعىستاۋ  وبلىسىندا جۇمىس ساپارىمەن بولدى. ۆيتسە-پرەمەر جۇمىس ساپا­رىن كاسپي تەڭىزىنىڭ قازاق­ستان­دىق بولىگىندە جۇمىس جاسايتىن مۇناي كومپانيالارىنا ءتۇرلى قىز­مەت كورسەتەتىن كاسىپورىن­دار­دى ارالاۋ­مەن باستادى. العاشقى تانىستىق “ماك­دەرموت” مەتالل قۇراستىرۋ زا­ۋىتىنىڭ قۇرىلىس الاڭى مەن بۇر­عىلاۋ ەرتىندىلەرىن دايىنداۋ, شا­­عىن كەمەلەردى جوندەۋ زاۋىتى­نىڭ جوبالارى بولدى. سونداي-اق جا­قىن ايلاردا ىسكە قوسىلۋعا ءتيىستى  “ات­اش” تەڭىزدەگى مۇناي وپەراتسيا­لا­رىن قولداۋ بازاسىنىڭ قۇرىلى­سى­نا زەر سال­دى. اقتاۋدا اكىمدىكتە سەر­پىندى جوبالاردى جان-جاقتى  كە­ڭىنەن تال­قىلاعان ماجىلىسكە مي­نيستر­لىك­تەر, ۇلتتىق كومپانيالار مەن اك­تسيونەرلىك قوعامدار باس­شى­لارى مەن وكىلدەرى قاتىستى. وندا وڭىردە قولعا الىنعان سەرپىندى جو­بالار “اق­­تاۋ سيتي”, “كاسپي ەن­ەر­گەتي­كا­لىق ءحابى”, “كەندىرلى” دە­ما­لىس ايماعىنىڭ, سونداي-اق اق­تاۋ بيتۋم زاۋىتى, “جاڭا وزەن-تۇركىمەنستان” تەمىر جولى, اقتاۋ حالىقارالىق اۋەجايىنىڭ ۇشىپ-قونۋ الاڭى, اقتاۋ گاز-بەتون زاۋى­تى, “چا-كۋر” فار­ماتسەۆتيكالىق فيرماسى, بەي­نەۋ­دەگى قۇراما-جەم زاۋىتى ت.ب. جو­بالاردىڭ جۇزەگە اسۋ بارىسى جايلى كەلەلى كەڭەس بولدى. وندا وبلىس اكى­مى قىرىمبەك كو­شەر­باەۆ, كومپانيا باسشىلارى ءوزا­را وي-پىكىر الىستى. كوپتەگەن ءما­سەلەلەردى تەزدەتىپ, وڭ شەشۋ جول­دارىن ورتاعا سالدى. ال كەشكىلىك اكىم­دىكتە تاۋار­لار مەن قىزمەتتەر سا­تىپ الۋدا قا­زاق­ستاندىق ۇلەستى ارت­­تىرۋ جانە كاسپي قاي­راڭىن يگە­رۋدە قازاق­ستاندىق سەكتور­دىڭ وف­فشور­لىق جو­بالارىنا قىز­مەت كور­سەتۋدە جاعالاۋ ينفراقۇرى­لى­مىن دامىتۋ ماسە­لەلەرىنە ارنال­عان كەڭەس ءوتتى. جولامان بوشالاق. اقتاۋ.