«ازالا تەكستيل» فابريكاسىنا شيكىزاتتى اۋدانداعى «مىرزاكەنت» ماقتا وڭدەۋ زاۋىتى جەتكىزەدى. ياعني مەديتسينالىق بەتپەردەلەر ماقتاارالدىڭ ماقتاسىنان تىگىلگەن. قازىرگى تاڭدا اۋداندا 7 تىگىن شەبەرحاناسى كۇنىنە 4 مىڭنان استام بەتپەردە تىگىپ, 17 دارىحاناعا 70-80 تەڭگەدەن وتكىزەدى ەكەن. ءوز كەزەگىندە ءدارىحانالار ءونىمنىڭ باعاسىن 100-120 تەڭگەدەن اسىرماۋى ءتيىس.
ال سايرام اۋدانىندا كاسىپكەر سيحىمباي ۋاليحان ۇلى «BizBirgemiz» اكتسياسى اياسىندا 2 ملن تەڭگە قارجى ءبولىپ, قايىرىمدىلىق تانىتتى.
اۋداندىق ءماسليحات دەپۋتاتى جالعىزىلىكتى قارتتار مەن قامقورلىقتى قاجەت ەتەتىن ازاماتتارعا تۇرمىسقا قاجەتتى زاتتار جانە ازىق-ت ۇلىك پەن ەت ونىمدەرىن جەتكىزدى. وسىلايشا ءبىر كۇندە 70 وتباسىعا كومەك بەرىلدى.
كەلەس اۋدانىنان سايلانعان وبلىستىق ماسليحات دەپۋتاتى جاڭاباي اعابەكوۆ تە ىزگى ىستەن شەت قالمادى. كوروناۆيرۋس ىندەتىنە قارسى كۇرەسكە قارجىلاي قولداۋ ءبىلدىرىپ, «BizBirgemiz» رەسپۋبليكالىق قورىنا 1 ملن تەڭگە اۋدارعان دەپۋتات بۇل جولى ءوز قارجىسىنا كەلەس اۋدانىنداعى 200 وتباسىعا 1,5 ملن تەڭگەلىك ازىق-ت ۇلىك جىبەرىپ, قامقورلىق كورسەتتى.
