وسىلاي بولسا كەرەك-ءتى

ءماجىلىستىڭ سوڭعى جالپى وتىرىسىندا دەپۋتاتتار مەملە­كەتتىك ءتىلدىڭ ماسەلەسىنە قاتتى الاڭداۋشىلىق ءبىلدىردى. ءتىپتى, بۇرىن بۇل ماسەلەگە اسا كوڭىل ءبول­مەي جۇرەتىن بەلسەندى دەپۋ­تاتتاردىڭ دا ۇلتتىق نامىسى ويانا باستاعان سەكىلدى, ولار دا مەملەكەتتىك ءتىلدىڭ مەرەيى ۇستەم بولعانىن قالايتىنىن سەزدىرىپ, ماسەلەگە قازاقشا-ورىسشا اي­تىلعان وتكىر سوزدەرىمەن قايتا-قايتا قاتتى شۇيلىكتى. سونىڭ ىشىندە دەپۋتات نۇر­لان ونەرباەۆ پرەزيدەنت ن.نا­زارباەۆ بۇدان بىرنەشە جىل بۇرىن ايتقان قازاق تىلىندە عانا حابار تاراتاتىن تەلەارنانىڭ ءالى كۇنگە اشىلماعانىنا قىن­جى­لىس ءبىلدىردى. ودان كەيىن قازاقستان مەن بىرىككەن اراب امىرلىكتەرى ارا­سىن­داعى ەكى كەلىسىمدى جانە قا­زاق­ستان مەن رەسەي اراسىنداعى ءبىر كەلىسىمدى راتيفيكاتسيالاۋ تۋرالى زاڭ جوباسىنا قاتىستى جۇ­مىستى جالعاستىرۋدا داۋ تۋ­دى. وسى زاڭ جوبالارىنىڭ ءبارى دە مەملەكەتتىك تىلدەگى ماتىندە­رىندە كەتكەن ولقىلىقتارىنا باي­لانىستى قابىلدانباي, قارالۋ مەرزىمى سوزىلىپ جاتىر ەكەن. دە­پۋتات ەرلان نىعماتۋلين جۇ­مىستى ودان ءارى جالعاستىرماي, ۇكىمەتكە قايتارۋ كەرەكتىگىن ايت­تى. ءبىز قاشانعا دەيىن مەم­لە­كەتتىك تىلدە كەتكەن قاتەلەردى تۇزەتۋمەن اينالىسامىز, ۇكىمەت وعان جەتكىلىكتى دارەجەدە كوڭىل بولمەي وتىر, سوندىقتان زاڭ جوبالارىن دۇرىس دايىنداۋ ءۇشىن تىم بولماسا ءبىر رەت كەرى قايتارايىق, دەدى ول. دەپۋتات شالاتاي مىرزاح­مەتوۆ ودان دا ءارى كەتتى. ول وسىن­داي زاڭ جوبالارىن دايىنداي­تىن مينيسترلىكتەردە قازاق ءتى­لىندە تازا سويلەپ ءارى ساۋاتتى جازا الاتىن  ادامدار جوقتىق­تان  كەلەڭسىزدىكتەرگە جول بەرى-ءلىپ وتىرعانىن اتاپ كورسەتتى. كىلەڭ ءبىر “بالەنشەنىڭ قىزى, تۇگەنشەنىڭ ۇلى” دەپ شەنەۋنىك­تەر مەن باي-باعىلانداردىڭ قالادا وسكەن بالالارىن عانا وسىنداي جەرلەرگە جۇمىسقا الىپ, قازاقشانى جاقسى بىلەتىن اۋىل بالالارىن وندايعا جولات­پايمىز. سونىڭ كەسىرىنەن دە مەم­لەكەتتىك ءتىلدىڭ جاعدايى اقساۋدا. وسى سەبەپتى ماسەلەنى جىلدان-جىلعا ۇزاتپاي, ءتىلدى تازا بىلەتىن جاستاردان ماماندار دايىنداۋ جاعىن قاراستىرۋ قاجەت. ءبىز ۇكىمەتكە سونداي ناقتى ۇسىنىس جاسايىق. سوندا عانا ماسەلە تۇبەگەيلى شەشىلەتىن بولادى, دەدى دەپۋتات. پارلامەنت ءماجىلىسىنىڭ ءتور­اعاسى ورال مۇحامەدجانوۆ بۇل ءما­سەلەنىڭ ورىندى ەكەنىن ەس­كەرت­تى. زاڭ جوباسىن قاراۋعا العاننان كەيىن, ونىمەن جۇمىس ىستەۋ پا­رىزىمىز. ءبىز مۇنداي ولقىلىق­تارى بولعان سوڭ زاڭ جوباسىن ءتىر­كەۋگە الماۋىمىز كەرەك ەدى, دەدى ورال بايعونىس­ ۇلى. بىراق دەپۋتات راۋان شاەكين بارىنشا تاباندى پوزيتسيا ۇستا­نىپ, مەملەكەتتىك تىلگە دەگەن سال­عىرتتىققا قاشانعى شىداي­مىز, شالا دايىندالعان زاڭ جوبالارىن قايتسە دە ۇكىمەتكە قايتارۋ كەرەك دەپ وتىرىپ الدى. بىراق ونىڭ ۇسىنىسى داۋىسقا سالىنعان كەزدە شاعىن ايىرما­شىلىقپەن عانا وتپەي قالدى. ءسويتىپ, دەپۋتاتتار وسى وتىرىس­تان سوڭ ەندىگى جەردە مەملەكەت­تىك تىلدە ولقىلىقتار كەتكەن زاڭ جو­بالارىنا مۇقيات قاراپ, ولار­دى ءتىپتى قاراۋ ءۇشىن تىركە­مەيتىن سياقتى اسەر قالدىردى... جاقسىباي سامرات.