توتەنشە جاعداي كەزىندە بيزنەس سالاسىن قولداۋ اياسىندا مەملەكەت «دامۋ» قورى ارقىلى «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ مەملەكەتتىك باعدارلاماسى اياسىندا كاسىپورىندارعا جىلدىق 6%-بەن نەسيە بەرەتىن بولادى.
سونىمەن قاتار, ۇكىمەت ايەل ادامدار قۇرعان شاعىن جانە ورتا بيزنەس (شوب) كاسىپورىندارىنىڭ ءوسۋىن ىنتالاندىرماق.
ايەلدەر كاسىپكەرلىگىن قولداۋ باعدارلاماسى ازيا دامۋ بانكى مەن ەۋروپا قايتا قۇرۋ جانە دامۋ بانكىنىڭ تارتىلعان قاراجاتى شەڭبەرىندە ىسكە اسىرىلۋدا. سونداي-اق, بيزنەستى قارجىلاندىرۋعا يسلام قارجىلاندىرۋ باعدارلاماسى ارقىلى قاراجات تارتىلۋدا. قارجى شاريعات قاعيدالارى بويىنشا ءوز بيزنەسىن دامىتۋعا نيەتتى كاسىپكەرلەرگە بەرىلەدى.
وعان قوسا, شوب ءۇشىن مىندەتتى تولەمدەر مەن سالىقتاردىڭ كوپتەگەن تۇرلەرى بويىنشا مەرزىمىن ۇزارتۋ تۋرالى شەشىم قابىلداندى. بۇل كارانتين رەجيمىنەن شىعۋ كەزەڭىندە جانە ودان ءارى تابىستى دامۋ ءۇشىن بيزنەسكە تۇسەتىن جۇكتەمەنى ازايتۋ ماقساتىندا جاسالۋدا.
