ءىس-قيمىلدى ورىستەتۋ جولىندا

كوميتەت توراعاسى قۋانىش سۇل­تانوۆ باستاعان سەناتتىڭ حا­لىق­ارالىق قاتىناستار, قور­عانىس جانە قاۋىپسىزدىك كومي­تە­تىنىڭ دە­پۋتاتتارى جاڭا دە­موكراتيا ينس­تيتۋتى ستراتەگيا­لىق جانە حالىق­ارالىق زەرتتەۋ­لەر ورتالىعىنىڭ باسشىلا­رىمەن كەزدەستى, دەپ حابار­لادى وسى پالاتانىڭ ءباسپاسوز قىزمەتى. كەزدەسۋ بارىسىندا ق.سۇل­تانوۆ ورتالىقتىڭ قىزمەتىن جوعارى باعالاي كەلىپ, ەقىۇ كەڭىستىگىندەگى وزەكتى ماسەلەلەردى شەشۋدەگى بىرلەس­كەن جۇمىستاردا ءوزارا ءىس-قيمىلدى كۇشەيتۋ كەرەكتىگىن اتاپ كورسەتتى. ء“بىز قازىرگى ىنتىماقتاس­تىقتى قولدايمىز, تالداۋ ورتا­لىعىنىڭ تاجىريبەسى مەن ءبىلىمى قازاقستان ءۇشىن, اسىرەسە, قازاق­ستاننىڭ ەقىۇ-عا توراعالىق ەتۋى كەزەڭىندە زور ىقىلاس تۋعىزادى”, دەدى سەناتور. كەزدەسۋدە قازاقستاننىڭ ءتورا­عالىق ەتۋى بارىسىندا ۇيىم­نىڭ بە­دەلىن نىعايتا تۇسۋمەن قا­تار, ونىڭ ودان ءارى دامۋىنا سەرپىن بەرەتىن نەگىزگى باسىمدىقتاردى ءجۇ­زەگە اسىرۋ جانە ىلگەرىلەتۋ ماسەلە­لەرى تالقى-لاۋدىڭ نەگىزگى تاقىرىبى بولدى. وسىعان بايلانىستى ەقىۇ ءسامميتىن وتكىزۋ يدەياسىنا ەرەك­شە نازار اۋدارىلدى, سترا­تەگيالىق جانە حالىقارالىق زەرتتەۋلەر ورتالىعى جوباسى­نىڭ باسشىسى يا.بۋگايسكيدىڭ ايتۋىنشا, مەم­لەكەت باسشىلا­رىنىڭ باسقوسۋى “ەقىۇ-عا توراعالىق ەتكەن جىلداعى قازاقستاننىڭ بارلىق جۇمىستارىن پاش ەتۋى ءتيىس”. ءسامميتتىڭ مازمۇنى جايىن­دا ايتا كەلىپ, تاراپتار جوعارعى دەڭگەيدەگى كەزدەسۋلەردىڭ ىقتي­مال كۇن ءتارتىبىنىڭ نەگىزگى ماسەلەلەرى جايىندا ءوز ويلارىن ورتاعا سالدى. ساراپشىلاردىڭ پىكىرىنشە الداعى تالقىلاۋلار ەقىۇ-عا قاتىسۋشى­لاردىڭ مۇددەلەرىنە سايكەس ۇيىم­نىڭ ءىس-قيمىلىن ورىستەتۋ ءۇشىن نەگىز قالىپتاستىرۋعا باعىتتالۋى ءتيىس. كەزدەسۋ بارىسىندا ساراپ­شىلار ورتالىعىنىڭ باسشى­لارى ەلىمىزدىڭ جانە ونىڭ پرەزيدەنتى نۇرسۇلتان نازار­باەۆتىڭ حالىقارالىق قوعام­داس­تىقتاعى جوعارى بەدەلىن اتاپ وتە كەلىپ, ۆانكۋۆەردەن ۆلادي­ۆوس­توكقا دەيىنگى كەڭىستىكتى قام­تيتىن ۇيىم توراعاسى رەتىندەگى قازاق­ستان­نىڭ ميسسياسى تابىس­تى جۇزەگە اساتىنىنا سەنىم ءبىلدىردى.