مىسالى, جۇزىمدىك اۋىلىنىڭ تۇرعىنى قانىبەك وسپانوۆتىڭ 1,5 گەكتار جەرى بار. سونىڭ 0,5 گەكتارىنا وتكەن جىلى جەلتوقسان ايىندا ەككەن شالقاندى ەرتە كوكتەمدە جيناپ العان. قالعان 1 گەكتارىنا قىزىلشا ەگىپتى.
«جىل سايىن جەلتوقسان ايىندا شالقاننىڭ «دۋنگان» دەيتىن سۇرپىن پلەنكا استىنا ەگەمىز. قارلى, جاڭبىرلى كۇندەرى ءۇستىن اشىپ, سۋارىپ الامىز. اقپان ايىنىڭ سوڭى, ناۋرىزدىڭ باسىندا جينالعان ءونىمدى استانا, قاراعاندى, شىمكەنت قالالارىنا جونەلتەمىز. 0,5 گەكتار جەردەن 3-4 تونناعا دەيىن ءونىم الامىز. شالقاننىڭ كەلىسىن 100 تەڭگەدەن بەرۋدەمىز. ال, قىزىلشا مامىر ايىنىڭ باسىندا تولىق ءپىسىپ-جەتىلەدى. ونى جيناپ بولعان سوڭ ورنىنا قىرىققابات ەگەمىز», - دەيدى قانىبەك وسپانوۆ.
يەلىگىندە 282 گەكتار سۋارمالى جەرى بار بوزاي اۋىلىنىڭ ديقاندارى ەرتە پىسەتىن قاۋىن-قاربىز وسىرۋمەن اينالىسادى. سولاردىڭ ءبىرى اناربەك ارىستانوۆ 12 گەكتار جەرگە قاربىز ەككەن. ونى جيناپ العان سوڭ ورنىنا بۇرشاق ەگۋدى جوسپارلاپ وتىر.
جالپى 1346 تەحنيكا دالا جۇمىستارىنا جۇمىلدىرىلعان كەلەس اۋدانىندا بيىل 24200 گەكتار جەرگە اۋىل شارۋاشىلىعى داقىلدارى ەگىلمەك.
تۇركىستان وبلىسى
