ەڭبەك جولىن استانا قالاسى بويىنشا قالالىق جەدەل مەديتسينالىق جاردەم ستانتسياسىنىڭ كوشپەلى بريگاداسىنىڭ فەلدشەرى رەتىندە باستاعان, استانا قالاسىنىڭ ءبىرىنشى قالالىق اۋرۋحاناسىنىڭ حيرۋرگيا بولىمشەسىنىڭ, جيتس-پەن كۇرەس ورتالىعىنىڭ دارىگەرى بولعان. استانا قالاسى مەن وقو دەنساۋلىق ساقتاۋ دەپارتامەنتتەرىندەگى ءارتۇرلى پوزيتسيالاردا جۇمىس ىستەدى. 2009 جىلدان 2012 جىلعا دەيىن «سق – فارماتسيا» جشس باسقارۋشى ديرەكتورى-باسقارما مۇشەسى, 2012 جىلدان 2017 جىلعا دەيىن – «پرەزيدەنت ءىس باسقارماسى مەديتسينالىق ورتالىعىنىڭ اۋرۋحاناسى» رمك ستراتەگيالىق دامۋ جونىندەگى باس دارىگەردىڭ ورىنباسارى مىندەتتەرىن اتقاردى. 2017 جىلدىڭ تامىز ايىنان باستاپ 2018 جىلدىڭ مامىر ايىنا دەيىن قازاقستان رەسپۋبليكاسى دەنساۋلىق ساقتاۋ مينيسترلىگى قوعامدىق دەنساۋلىق ساقتاۋ كوميتەتى توراعاسىنىڭ ورىنباسارى بولىپ جۇمىس ىستەدى. بەرىك ءشارىپ 1981 جىلى تۋعان. 2004 جىلى قازاق مەملەكەتتىك مەديتسينالىق اكادەمياسىن ەمدەۋشى, دارىگەر-حيرۋرگ ماماندىعى بويىنشا ءبىتىرىپ شىقتى, 2009 جىلى قازتۇتىنۋ وداعىنىڭ قاراعاندى ەكونوميكالىق ۋنيۆەرسيتەتىندە «ەكونوميكا سالاسىنداعى قۇقىقتىق رەتتەۋ» ماماندىعى بويىنشا زاڭتانۋ باكالاۆرى دارەجەسىن الدى.
2012 جىلى حالىقارالىق بيزنەس اكادەمياسىندا ىسكەرلىك اكىمشىلىك ماگيسترى, MBA دارەجەسىن الدى. DBA-رەسەي حالىق شارۋاشىلىعى جانە مەملەكەتتىك قىزمەت اكادەمياسى (2016) جانە European university Business School, Switzerland 2017 جىلى ىسكەرلىك اكىمشىلىكتەندىرۋ دوكتورىنىڭ دارەجەسىنە يە بولدى.
