باقىلاۋ بايىپتى بولماق

“نۇر وتان” حالىقتىق-دەموكراتيالىق پارتياسىنىڭ ورتالىق اپپاراتىندا باتىس ەۋروپا – باتىس قىتاي حالىقارالىق ترانزيتتىك ءدالىزى جوباسىن جۇزەگە اسىرۋعا پارتيالىق باقىلاۋ جۇرگىزۋ جونىندەگى ساراپتامالىق توپتىڭ وتىرىسى بولىپ ءوتتى. مەملەكەت قاراجاتىنىڭ دۇ­رىس جۇمسالۋىن باقىلاۋ ءجونىن­دەگى بۇل توپتىڭ قۇرامىنا پار­لامەنت دە­پۋتاتتارى, ماجىلىستەگى “نۇر وت­ان” حدپ فراكتسياسىنىڭ مۇشە­لە­رى, سونداي-اق بىرقاتار مەملەكەتتىك ورگاندار مەن ۇكى­مەتتىك ەمەس ۇي­ىم­داردىڭ وكىلدەرى كىرەدى. اتالعان توپتىڭ جەتەكشىسى بولىپ پارتيا­نىڭ ەل ۇكىمەتىندەگى رەسمي وكىلى ۆلا­ديمير دۆورەتسكي تاعايىندالدى. باسقوسۋعا قاتىسقان توپ ءمۇ­شە­لەرىنىڭ ايتۋىنا قاراعاندا, قا­زىرگى تاڭدا جەرگىلىكتى جەرلەردە تۇ­راقتى قوعامدىق باقىلاۋدى قام­تا­ماسىز ەتۋ ءۇشىن, بۇعان قوسا, اق­توبە, الماتى, جامبىل, قىزىل­ور­دا جانە وڭتۇستىك قازاقستان وب­لىستارىندا جوبانىڭ جۇزەگە اسى­رىلۋى بارىسى تۋرالى اعىمداعى شارالاردى ازىرلەۋ ءۇشىن بيلىك پار­تياسىنىڭ ايماقتىق فيليال­دارى جانىنان اۋماقتىق قوعام­دىق كوميسسيالار, ال قۇرىلىس نى­ساندارىندا پارتيالىق با­قى­لاۋ بەكەتتەرى قۇرىلماق. سونداي-اق كوميسسيا مونيتورينگى بارى­سىندا مەملەكەتتىك قاراجاتتىڭ ءتيىمدى جۇمسالۋىن قامتاماسىز ەتۋ, تابيعاتتى پايدالانۋ تۋرالى زاڭنامانىڭ ساقتالۋى, قورشاعان ورتانى قورعاۋ, جەرگىلىكتى حالىقتى جۇمىسپەن قامتۋ جانە جوبانى ىسكە اسىرۋ كەزىندە انىقتالعان تۇيتكىلدى ماسەلەلەردى وڭتاي­لاندىرۋ بويىنشا ۇسىنىستار جان-جاقتى قارالادى. ءلايلا ەدىلقىزى.