ەل ىقىلاسىنا ريزا

قىزىلاعاشتاعى جاعداي ءبىر­تىندەپ ورنىعىپ, ۇلكەن-كىشى ەس جي­ىپ, ەتەك-جەڭىن جيناپ, استە كوكتەمگى قات-قابات تىرشىلىك قامىنا كىرىسكەن. بەيسەنبى كۇنى وبلىس اكىمى سەرىك ۇمبەتوۆ توتەنشە جاعداي­لار سالدارىن جويۋ شارالارىمەن جەتە تانىسىپ, جەدەل شتابتىڭ جيىنىن وتكىزدى. وزەن جاعاسىنداعى 200 پالات­كادان تۇراتىن قالاشىقتا دا قار­بالاستىق. ۇلكەندەردىڭ ءتىرشى­لىگىنەن بەيحابار بۇلدىرشىندەر ويىن قى­زى­عىنا تۇسكەن. بۇگىن اۋىلعا ورالعان تۇرعىندار قاتارى 2057-گە جەتىپتى. جاڭالىق سۋ جۇيەسى تارتىلىپ, ۇڭ­عىما ارقىلى 100 مەتر تەرەڭدىكتەن تازا سۋ شىعارىلىپ, كوشە بوي­لارىنداعى كولونكالاردا تازا سۋ مولدىرەپ اعىپ تۇر. حالىققا دەگەن قايىرىم­دىلىق شارالارى جالعاسۋدا. وسى كۇنى وڭ­تۇستىك كورەيادان كەلگەن دەلەگاتسيا تۇرعىندارعا اقشالاي كومەكتەرىن تاراتتى. اۋىلدىڭ باتىسىندا جاڭا كوشە بوي كوتەرىپ, شاتىرى جا­بىل­عان ءۇيدىڭ ءىشى-سىرتى سىلا­نىپ, ەسىگى قويىلسا ءبىر وتباسى قۋا­نىشقا كەنەلەتىن بولدى. “الماتى قالا قۇرىلىسى” اق “جاڭا” كوشەگە 32 ءۇي تۇرعىزۋدى مىندەتتەنسە, قازىردىڭ وزىندە 8 ءۇيدىڭ قابىرعاسى, التى ءۇيدىڭ ءىر­­­­­­گەتاسى قالانىپ, ىشىنە سۋ قۇبىرى تارتىلىپتى. كەيىن ۇيلەر بىردەي قورشالىپ, اينالاسى اباتتان­دى­رىلىپ, اۋىل ساۋلەتتەنە تۇسەتىنى انىق. تاسقىننان كەيىنگى قۋانىش تالدىقورعانداعى پەرزەنتحانادا 6 ءسابي دۇنيە ەسىگىن اشىپتى. جاڭا ۇرپاقتىڭ وكىلىنە قۇرمەت كورسە­تىلىپ, وبلىس باسشىلىعى انا مەن نارەستەنى قۇتتىقتاپ, سىيلىق­تا­رىن تاپسىرىپ, قۇتتى بولسىن ايت­قانىن دا جۇرت جىلى قابىلداۋدا. قىزىلاعاشتىقتارعا الەۋمەت­تىك-تۇرمىستىق كومەك كورسەتۋ ءجو­نىندەگى كوميسسيا توراعاسى  ءا.جۇ­ماگەلدين كومەك كەرۋەنى تولاس­ت­ا­ماعانىن, وسى كۇنگە 36 ملن. تەڭ­گەنىڭ الەۋمەتتىك كومەگى جەتكى­زى­لسە, ونىڭ 30 ملن. تەڭگەسى كيىم-كەشەك, ازىق-ت ۇلىك تۇرعىندارعا تاراتىل­عانىن جەتكىزدى. قىزىلاعاش اۋىلىندا تاريح­تىڭ جاڭا بەتى اشىلىپ, قيىن­دىق­تى جەڭگەندەر كوگىلدىر كوكتەمنىڭ شۋا­عىنان ءنار, اعايىننىڭ قولداۋىنان كۇش العان. كۇمىسجان بايجان. الماتى وبلىسى.