وبلىس اكىمىنىڭ قاۋلىسىنا سايكەس, وڭىردە ەلىمىزدىڭ قارۋلى كۇشتەرىنىڭ اۋماقتىق اسكەرىن جاساقتاۋعا 230 ازامات شاقىرىلعان. ونىڭ ىشىندە وبلىس ورتالىعى تۇركىستان قالاسىنداعى 50 ساربازدان تۇراتىن اسكەريلەر جاساعىن قالا اكىمى راشيد ايۋپوۆ باسقارادى.
نەگىزگى ماقساتى حالىقتىڭ قاۋىپسىزدىگى مەن دەنساۋلىعىن قورعاۋ جانە قامتاماسىز ەتۋ بولىپ تابىلاتىن اسكەري جاساق قاتارىنا ەڭ ۇزدىكتەر تاڭدالعان. ولار بۇرىنعى دەسانتشىلار, موتواتقىشلار, جاۋىنگەرلىك جانە ساياسي دايىقتىق ۇزدىكتەرى. وبلىس اكىمى ومىرزاق شوكەەۆ سىن-ساعاتتا ارنايى جيىنعا شاقىرىلعان ازاماتتارعا ساتتىلىك تىلەدى. كوشەلەردە جاياۋ پاترۋلدەۋگە جانە وبلىستى اينالا قورشاي قويىلعان بلوك - بەكەتتەردە قىزمەت اتقارىپ, زالالسىزداندىرۋ جۇمىستارىنا قاتىساتىن ارنايى جاساقتالعان ساربازدار بۇگىننەن باستاپ ىسكە كىرىستى. ولار قاجەتتى كيىممەن, ىستىق تاماقپەن قامتاماسىز ەتىلگەن. جۇمىسى بار ەرىكتىلەردىڭ لاۋىزىمى مەن ايلىق جالاقىسى ساقتالادى. جۇمىس ىستەمەيتىندەرىنە مەملەكەت ەسەبىنەن ەڭ تومەنگى جالاقى مولشەرى 42 500 تەڭگەدەن تولەنەدى. ارناۋلى جيىنعا شاقىرتىلعان اسكەريلەر تۇراقتى ەلدى مەكەنىنە قىزمەت ەتەدى.
تۇركىستان وبلىسى
