COVID-19 ىندەتىنە بايلانىستى ەلدەرىمىز اراسىنداعى ازاماتتىق اۋە قاتىناسىنىڭ ۋاقىتشا توقتاتۋىنا قاراماستان, قازاقستاندىق ديپلوماتتار چەنناي جانە مۋمباي قالالارىنان ءبىزدىڭ ازاماتتارىمىزدى ەلگە قايتارۋ ءۇشىن ءۇندى تاراپىمەن كەلىسىمگە قول جەتكىزدى.
وسىلايشا, 18 ساۋىردە الماتى قالاسىنا قر 6 ازاماتى (3 پاتسيەنت جانە 3 ەرىپ ءجۇرۋشى) جەتكىزىلدى.
سونىمەن قاتار, ءۇندى تاراپىنىڭ باستاماسى بويىنشا وسى رەيسپەن قازاقستانعا كوروناۆيرۋسپەن كۇرەسۋ ءۇشىن گۋمانيتارلىق كومەك رەتىندە 30 مىڭ ءدارى-دارمەك جىبەرىلدى.
قازاقستان سىرتقى ىستەر مينيسترلىگى ءۇندىستان ۇكىمەتىنە دوستىق ىقىلاسى ءۇشىن العىس بىلدىرەدى جانە بۇل باستاما ءبىزدىڭ ەلدەرىمىز اراسىنداعى ستراتەگيالىق سەرىكتەستىك رۋحىنا تولىق سايكەس كەلەتىنىن اتاپ وتەدى.
