قورعانىس سالاسى قوسىمشا شارالار قابىلدايدى

جەكەلەگەن وڭىرلەردىڭ باس­شى­­لارى قابىلداعان شەكتەۋ شا­را­لارى جاعدايىندا قازاق­ستان­­نىڭ 19 قالاسىندا اسكەري قىزمەتشىلەر بلوك-بەكەتتەردى كۇشەيتۋ جانە پاترۋلدىك قىز­مە­تىن اتقارادى. ءۇش اپتا ىشىندە قوعامدىق ءتارتىپتى بۇزۋدىڭ 270 فاكتىسى تىركەلىپ, اسكەري قىز­­مەتشىلەردىڭ تىكەلەي قاتى­سۋى­مەن بلوك-بەكەتتەن وتكىزۋ ءتارتىبىن بۇزۋدىڭ 270 فاكتىسى انىقتالدى. بلوك-بەكەتتەردە 27 ءتارتىپ بۇزۋشىلىق جاقىن ماڭداعى اۋماقتاردى باقىلاۋعا مۇمكىندىك بەرەتىن ۇشقىشسىز ۇشاقتار تاراپىنان انىقتالدى.

كۇن سايىن بلوك-بە­كەت­تەردە كەزەكشىلىك ەتەتىن مىڭ­دا­عان اس­كە­ري قىزمەتشى ءوز دەن­ساۋ­لى­عىنا قاۋىپ توندىرە وتىرا پاترۋلگە شىعىپ, دەزينفەكتسيا جۇرگىزەدى. سونىمەن قاتار قىزمەتتە تۇ­راق­تى جاۋىنگەرلىك دايارلىق بو­لىمشەلەرى بار. قورعانىس ءمي­ني­سترى نۇرلان ەرمەكباەۆ اتاپ وتكەندەي, بارلىق جەكە قۇ­رامنىڭ دەنساۋلىعىن ساقتاۋ ما­ڭىزدى.

وسى ماقساتتا بلوك-بەكەت­تەر­دە, پاترۋل توپتارىندا جانە ارنايى وڭدەۋ جاساقتارىندا اسكەري دارىگەرلەر كۇن سايىن مەديتسينالىق تەكسەرۋ جۇرگىزەدى. اسكەري قىزمەتشىلەردىڭ دەن­ساۋ­­لىق جاعدايىنا باقىلاۋ جۇر­گىزۋ جانە اۋرۋ بەلگىلەرى نە­­مەسە ناۋقاستارمەن بايلانىسى انىقتالعان جاعدايدا كا­رانتيندىك شارالاردى ۋاق­تى­لى قابىلداۋ بويىنشا پرو­في­لاك­تي­كالىق جۇمىستار جۇزەگە اسىرى­لادى.

اسكەري بولىمدەر مەن مەكە­مە­لەردىڭ باقىلاۋ-وتكىزۋ بەكەت­تەرىندە تەرمومەترياسى بار جانە انتيسەپتيكتەرمەن وڭ­دەل­گەن مە­ديتسينالىق سۇزگىلەر ورنا­لاس­تىرىلعان. بارلىق اس­كەري بو­لىم­دەر قوسىمشا دارى­لىك پرەپاراتتارمەن, دەزينفەك­تسيا­لىق قۇرالدارمەن, مەدي­تسي­نالىق ماس­كالارمەن جانە قول­عاپ­تارمەن قامتاماسىز ەتىلگەن.

سونىمەن قاتار قارۋلى كۇش­­تەر وبەكتىلەرىندە پرو­في­لاكتيكالىق جانە ساني­تار­­لىق-ەپيدەمياعا قارسى ءىس-شارالار جالعاسۋدا. اسحا­نا­لار­دى, تاۋ­لىك­تىك كەزەكشىلىكتە قىز­مەت اتقا­­رۋ ورىندارىن, بلوك-بەكەت­تە­رى­نىڭ اۋماقتارى مەن اسكە­ري قالا­شىق­تار­دى دەزين­فەك­تسيا­لاۋ­عا ەرەكشە كو­ڭىل بولىنەدى.

بايلانىستى شەكتەۋ ءۇشىن اسكەري باسقارۋ ورگاندارى جەكە قۇرامىنىڭ شامامەن 30%-ى اۋىسىم رەجىمدەرىنە اۋىس­تىرىلعان. شەشىلەتىن مىن­دەت­تەر­دىڭ ەرەكشەلىگىن ەسكەرە وتىرىپ, جەكە قۇرامنىڭ تاعى دا 30%-ى ۇيدە ءوزىن ءوزى وقشاۋلاۋ رەجىمىن ساقتاي وتىرىپ كەزەكتى دەمالىسقا جىبەرىلدى. سونداي-اق قاراعاندى, تالدىقورعان, ءۇشارال اسكەري-مەديتسينالىق مەكەمەلەرى حالىقتى قا­بىل­داپ, دەنساۋلىق ساقتاۋ مينيس­ترلى­گى­نە كومەك بەرۋگە دايىن.

قازاقستان اسكەري اۋە كۇش­تە­رىنىڭ اسكەري-كولىكتىك اۆيا­تسياسى قىتايدان نۇر-سۇلتان قالاسىنا قىتايلىق دارىگەرلەر مەن گۋمانيتارلىق كومەكتى جەت­كى­زدى.

قاراعاندى قالاسى اكىم­دى­گى­نىڭ ءوتىنىشى بويىنشا 17 اسكەري مەديتسينا مامانى پاندەمياعا قار­سى كۇرەستە كومەكتەسىپ جا­تىر. كوروناۆيرۋستى ەمدەۋدە تاجىريبەسى بار قىتاي­لىق دا­رى­گەرلەر اسكەري-مە­دي­تسي­نا­لىق قىزمەتتىڭ دايارلىعى تۋرالى كون­فەرەنتسيا وتكىزدى. وعان اسكە­ري دارىگەرلەر دە قاتىستى.

قورعانىس ۆەدومستۆوسىنىڭ باسشىسى توتەنشە جاعدايدا جانە كارانتين رەجىمىن قام­تا­ماسىز ەتۋ جونىندەگى ءىس-شارا­لار­مەن قاتار, اسكەري تەحنيكانى پاي­دالانۋدىڭ جازعى رەجىمىنە كو­شىرۋدى قامتاماسىز ەتۋدى, وسى­­عان بايلانىستى بارلىق شارانى قابىلداۋدى تاپسىردى. بەل­گى­لەنگەن تالاپتارعا سايكەس بارلىق اسكەري پوليگونداردىڭ اۋماق­تارىن جاپپاي تازارتۋ ۇيىمداستىرىلادى.