اپەننين تۇبەگىندە وسى ىندەتتىڭ ءورشىپ تۇرعانى ءمالىم. كوروناۆيرۋسقا شالىققاندار قاتارىندا فۋتبولشىلار دا از ەمەس. وسىدان ءبىراز ۋاقىت بۇرىن ەسىمدەرى جوعارىدا اتالعان ويىنشىلاردىڭ وسى دەرتتى جۇقتىرعانى انىقتالعان ەدى. سودان ولار اۋرۋحاناعا جاتقىزىلدى. ال كەشە سول ازاماتتاردىڭ قاتەرلى اۋرۋدان ەمدەلىپ شىققانى بەلگىلى بولدى.
33 جاستاعى فرانتسيانىڭ ازاماتى بلەز ماتيۋيدي 2017 جىلدان بەرى «يۋۆەنتۋستە» ويناپ ءجۇر. سول ارالىقتا 86 رەت جاسىل الاڭعا شىققان جارتىلاي قورعاۋشى التى گولدى قاقپاعا توعىتتى. سونداي-اق, ول ءوز ەلىنىڭ ۇلتتىق قۇراماسى ساپىندا ونەر كورسەتۋدە.
25 جاستاعى دانيەلە رۋگاني 2015 جىلى تۋرنيردىك كلۋبتىڭ جەيدەسىن كيدى. يتاليالىق قورعاۋشى قورعانىس شەبىندە وينايدى. 2016-2018 جىلدارى ول ۇلتتىق كوماندانىڭ مۇشەسى بولدى.
