«14 ءساۋىر كۇنى قالالىق پوليتسيا دەپارتامەنتىنىڭ اۋماقتىق بولىمشەلەرىنە 169 ادام جەتكىزىلدى. سونىڭ ىشىندە, 142 ازامات اكىمشىلىك جاۋاپكەرشىلىككە تارتىلىپ, 9-ى قاماۋعا الىندى. سونداي-اق, 97 ايىپپۇل سالىنىپ, 32 ەسكەرتۋ جاسالدى. مۇنان بولەك 4 ءىس سوتتىڭ قاراۋىندا», – دەلىنگەن نۇر-سۇلتان قالالىق پوليتسيا دەپارتامەنتىنىڭ ءباسپاسوز قىزمەتىنىڭ حابارلاماسىندا. سونىمەن قاتار, ءتۇرلى اكىمشىلىك قۇقىق بۇزۋشىلىق ءۇشىن 98 اۆتوكولىك كوممۋنالدىق تۇراقتارعا قامالعان. ء«بىزدىڭ ماقساتىمىز – قوعامدىق ءتارتىپتى, كارانتين رەجيمىن ساقتاۋ, تۇرعىندار اراسىندا تۇسىندىرمە جۇرگىزۋ. وكىنىشكە وراي, مۇنىڭ ماڭىزىن تۇسىنبەي, رەجيمدى بۇزاتىندار كوپ. كەيبىر ادامدار اگرەسسيۆتى كوڭىل-كۇيدە قابىلدايدى. بىراق ءبىز ولاردىڭ يگىلىكتەرى ءۇشىن نە ىستەۋ كەرەكتىگىن تۇسىندىرۋگە تىرىسامىز. ەڭ اگرەسسيۆتى دەگەن تۇرعىنداردىجاۋاپكەرشىلىككە تارتامىز, ايتپەسە بولمايدى», – دەيدى سارىارقا اۋداندىق پوليتسيا باسقارماسىنىڭ جەرگىلىكتى پوليتسيا قىزمەتى ءبولىمىنىڭ باستىعى مارات ومىرباەۆ.
بۇرىن حابارلاعانداي, ەلوردادا پوليتسيا قىزمەتكەرلەرى تاۋلىك بويى كەزەكشىلىك جۇرگىزىپ, قالانىڭ بارلىق اۋداندارىندا ازاماتتار مەن اۆتوكولىك قۇرالدارىنىڭ قوزعالىسىن قاتاڭ باقىلاۋدا ۇستاۋدا. ءموبيلدى توپتار, جاياۋ ناريادتار جۇمىلدىرىلعان. بلوكپوستارداعى جاعداي درون كومەگىمەن قاداعالانۋدا. قالا اۋماعى كوشە شەكارالارى بويىنشا شارشىلارعا بولىنگەن. ولاردىڭ ارقايسىسىندا ءتارتىپ ساقشىلارى جاعدايدى قاداعالايدى.
قالادا 26 ءموبيلدى بەكەت قويىلعان. نۇر-سۇلتاندا ازىق-ت ۇلىك, ءدارى-دارمەك ساتىپ الۋدى, قاجەت بولعان جاعدايدا مەديتسينالىق مەكەمەلەرگە جۇگىنۋدى, سونداي-اق قىزمەتى رۇقسات ەتىلگەن جۇمىسقا شىعۋدى قوسپاعاندا, ازاماتتاردىڭ ۇيدەن شىعۋى شەكتەلگەن. كامەلەتكە تولماعاندارعا قالا بويىنشا ەرەسەكتەردىڭ ەرىپ ءجۇرۋىنسىز جۇرۋگە تىيىم سالىنادى. وتباسى مۇشەلەرىن قوسپاعاندا, كوشەلەردە ءۇش ادامنان ارتىق جينالۋعا رۇقسات ەتىلمەيدى.
پوليتسيا قىزمەتكەرلەرى تۇرعىندار اراسىندا ەنگىزىلگەن شەكتەۋلەردى ساقتاۋ تۋرالى تۇسىندىرمە جۇرگىزۋدە. توتەنشە جاعداي رەجيمىن جانە شەكتەۋ شارالارىن قاساقانا بۇزعان جاعدايدا ءتارتىپ بۇزۋشىلارعا قاتىستى ءتيىستى زاڭناماعا سايكەس شارالار قولدانىلاتىن بولادى.
