جولداۋ جانە قازىرگى قازاقستان تاريحىن زەرتتەۋ مەتودولوگياسى

جۋىردا مەملەكەت تاريحى ينستي­تۋتىندا ەلباسىنىڭ قازاق­ستان حال­قى­نا جولداۋىن ناسي­حات­تاۋ ماسە­لە­لەرىنە ارنالعان “پرە­زيدەنتتىڭ جول­داۋى جانە قازىرگى قا­زاقستاننىڭ تا­ري­حىن زەرتتەۋ مەتودولوگياسى” دەگەن تا­قىرىپتا دوڭگەلەك ۇستەل ءوتتى. وعان مەم­لەكەت تاريحى ينستيتۋتىنىڭ دي­رەكتورى, تاريح عىلىمدارىنىڭ دوك­تو­رى, پروفەسسور بۇركىتباي ايا­عان مو­دەراتورلىق ەتتى. دوڭگەلەك ۇستەلدىڭ ماقساتى – تاۋەلسىز قا­زاق­ستاننىڭ ءبا­سەكەگە قابىلەتتىلىگىن ارتتىرۋ مەن ەل تاۋەلسىزدىگىن نىعايتۋدا جولداۋ­دىڭ عى­لىمي- تەوريالىق الەۋەتىن ىسكە قوسۋ. جيىنعا كورنەكتى عالىمدار, ءبىلىم جانە عىلىم مينيستر­لى­گىنىڭ وكىلدەرى, استانا قالاسى جو­عارى وقۋ ورىندارىنىڭ وقىتۋ­شى­لارى, استانا قالالىق مۇعا­لىمدەر بىلىكتىلىگىن جەتىلدىرۋ ينس­تيتۋتىنىڭ ادىسكەرلەرى قاتىستى. جيىندا مەملەكەت تاريحى ينستيتۋتى ديرەكتورىنىڭ ورىن­باسارى, تاريح عىلىمدارىنىڭ دوكتورى, پروفەسسور ح.ءابجانوۆ “پرەزيدەنتتىڭ جولداۋى جانە قازىرگى قازاقستان تاريحىن زەرتتەۋ مەتودولوگياسى” دەگەن تا­قى­رىپتا بايانداما جاسادى. بايان­داماشى ەلباسى جولداۋى­نىڭ قازىرگى قازاقستان تاريحىن زەرتتەۋدەگى تانىمدىق مەتودولو­گيا­نىڭ ءمانى مەن ماعىناسىنا نازار اۋداردى. ەلباسىنىڭ “مە­نىڭ ماقساتىم ەلىمىزدىڭ الداعى ونجىلدىقتاعى ەكونوميكالىق ورلەۋىن قامتاماسىز ەتىپ, جاڭا مۇمكىندىكتەرگە جول اشۋ” دەگەن تۇجىرىمدى پىكىرىن العا تارتتى. جاھاندانۋ جاعداي­ىندا وتاندىق تاريحتىڭ الدىندا تۇرعان ماڭىزدى مىندەتتەردىڭ ءبىرى – وبەكتيۆتى عىلىمي-زەرتتەۋلەر جۇرگىزۋ قاجەتتىلىگى كوپشىلىك نازارىنا ۇسىنىلدى. بيانداماشى, سونداي-اق جول­داۋدا ادام فاكتورىنا ەرەكشە ءمان بەرىلگەندىگىن, ەلدى جاڭعىرتۋ سترا­تەگياسىن ىسكە اسىرۋدىڭ تابىستى­لىعى, ەڭ الدىمەن, قا­زاق­ستان­دىقتاردىڭ بىلىمىنە, الەۋ­مەتتىك جانە دەنە بولمىسى مەن كوڭىل-كۇيلەرىنە بايلانىستى بو­لاتىن­دىعىن, سوندىقتان پرەزي­دەنت حا­لىق­ارالىق قاۋىمداس­تىق­قا كىرۋ ءما­سەلەسىن نەمەسە بيز­نەس­تىڭ جول كار­تاسىن جۇزەگە اسىرۋدا ادام فاك­تو­رىن باستى ورىنعا قويىپ وتىرعان­دىعىن اتاپ ءوتتى. عالىم ءارى قاراي مەملەكەت باسشىسىنىڭ جولداۋدا ەرەكشە اتاپ وتكەن ءتورت قاعيداتتىڭ ۇشەۋى ادام فاكتورىن العا قويىپ وتىرعاندىعىنا توقتالدى. بايانداماشىنىڭ اتاپ ءوتۋىن­شە, ەلباسىنىڭ “قازاقستان – 2030” ستراتەگياسىن ورىنداي وتى­رىپ, ءبىز العاشقى ونجىل­دىق­قا باعدارلاما جاساپ, ونى ءتامام­دا­دىق. ەندىگى ماقسات – ستراتە­گيا­نىڭ كەلەسى ونجىلدىعىنا قاراي قادام جاساۋ” دەپ قاداپ ايتۋى ءبىزدىڭ قوعام وزگەرىس ءۇستىن­دەگى, قوزعالىس ۇستىندەگى دينامي­كالىق قوعام ەكەندىگىن كورسەتىپ وتىر. جولداۋدا ناقتى دەرەكتەر­گە, تاريحي شىنايىلىققا, مەتو­دولوگيالىق جۇيەلىلىككە, تەوريا مەن تاجىريبە اراسىنداعى بايلا­نىستىڭ قاداعالانىپ وتىراتىن­دىعىنا باسا نازار اۋدارىلعان. جيىندا مەملەكەت تاريحى ينستيتۋتىنىڭ جاس عالىمدارى, تاريح عىلىمدارىنىڭ كانديدات­تارى – تەڭگەش قالەنوۆا, قۇ­رالاي سارسەمبينا, دارحان باي­تىلەۋ, مارال تومانوۆا, باۋىر­جان سەگىزباەۆتىڭ باياندامالارى تالقىلانىپ, جاستار اراسىندا قازاقستاندىق ءپاتريوتيزمدى نى­عايتۋ مەن قازىرگى تاريحي سانانى قا­لىپتاستىرۋداعى نەگىزگى مىندەت­تەر جونىندە پىكىر الماسىلدى. ايتبالا ابەنوۆا, مەملەكەت تاريحى ينستيتۋتى  اقپاراتتىق-باسپا ءبولىمىنىڭ عىلىمي قىزمەتكەرى.