قىتاي ەلىنىڭ باسشىسى سي ءتسزينپيننىڭ قازاقستانعا العاشقى مەملەكەتتىك ساپارى ءوزارا ىنتىماقتاستىقتى جاڭا تاريحي بەلەسكە كوتەرەتىن وراسان ءماندى وقيعاعا اينالدى.
كەشە اقوردادا ەلباسى نۇرسۇلتان نازارباەۆ قازاقستانعا مەملەكەتتىك ساپارمەن كەلگەن قىتاي حالىق رەسپۋبليكاسىنىڭ توراعاسى سي تسزينپينمەن كەزدەستى.
قىتاي ەلىنىڭ باسشىسى سي ءتسزينپيننىڭ قازاقستانعا العاشقى مەملەكەتتىك ساپارى ءوزارا ىنتىماقتاستىقتى جاڭا تاريحي بەلەسكە كوتەرەتىن وراسان ءماندى وقيعاعا اينالدى.
كەشە اقوردادا ەلباسى نۇرسۇلتان نازارباەۆ قازاقستانعا مەملەكەتتىك ساپارمەن كەلگەن قىتاي حالىق رەسپۋبليكاسىنىڭ توراعاسى سي تسزينپينمەن كەزدەستى.
بۇگىنگى كۇنى شىعىستاعى الىپ كورشىمىزبەن اراداعى ەكىجاقتى دا, كوپجاقتى دا, حالىقارالىق ۇيىمدار شەڭبەرىندەگى دە قارىم-قاتىناستار ءوزارا تۇسىنىستىك, مۇددەلەستىك جانە قۇرمەت پەن سىيلاستىق نەگىزىندە دامىپ, تەرەڭدەپ كەلەدى.
قىتاي ەلىنىڭ باسشىسى كەشە استاناداعى باعدارلامانى «وتان-انا» مونۋمەنتىنە گۇل شوعىن قويىپ, تاعزىم ەتۋدەن باستادى. مەملەكەت باسشىلارى نۇرسۇلتان نازارباەۆ پەن سي تسزينپين اقوردادا رەسمي قارسى الۋ ءراسىمى اياقتالعان سوڭ شاعىن قۇرامدا كەزدەستى. بۇل كەزدەسۋ ەكى ساعاتقا جۋىق سوزىلدى. اقوردادا وتكەن كەلىسسوزدەر بارىسىندا نۇرسۇلتان نازارباەۆ پەن سي تسزينپين ەكى ەلدىڭ اراسىنداعى جان-جاقتى ستراتەگيالىق سەرىكتەستىكتى ودان ءارى تەرەڭدەتۋ پەرسپەكتيۆالارىن قاراستىردى.
اتاپ ايتقاندا, ساۋدا-ەكونوميكالىق, ينۆەستيتسيالىق, اگروونەركاسىپتىك, شەكارالىق, مادەني-گۋمانيتارلىق ىنتىماقتاستىقتى جانداندىرۋ ماسەلەلەرى, سونداي-اق حالىقارالىق كۇن ءتارتىبى مەن وڭىرلىك قاۋىپسىزدىكتىڭ وزەكتى ءماسەلەلەرى تالقىلاندى.
قازاقستان پرەزيدەنتى شاعىن قۇرامداعى كەزدەسۋ بارىسىندا سي ءتسزينپيننىڭ تاريحي ساپارىنا زور ءمان بەرىلىپ وتىرعانىن اتاپ ءوتتى. ودان ءارى كەزدەسۋ ەكى جاقتىڭ رەسمي دەلەگاتسياسى مۇشەلەرىنىڭ قاتىسۋىمەن كەڭەيتىلگەن قۇرامدا جالعاستى. وندا ەكىجاقتى ىنتىماقتاستىقتى ساۋدا-ەكونوميكالىق, ينۆەستيتسيالىق, اگروونەركاسىپتىك, شەكارالىق, مادەني-گۋمانيتارلىق سالالاردا جانداندىرا ءتۇسۋ ماسەلەلەرى قاراستىرىلدى. سونداي-اق, حالىقارالىق جانە وڭىرلىك قاۋىپسىزدىكتىڭ وزەكتى ماسەلەلەرى تالقىلاندى.
كەڭەيتىلگەن قۇرامداعى كەزدەسۋدى اشقان ەلباسى نۇرسۇلتان نازارباەۆ قحر توراعاسى سي تسزينپين ساپارىنىڭ ماڭىزى زور ەكەنىن اتاپ ءوتتى. قازاقستانعا كەلگەن ساپارىڭىزعا قۇتتى بولسىن ايتا وتىرىپ, مەن ءسىزدىڭ العاشقى مەملەكەتتىك ساپارىڭىز ەكى ەلدىڭ اراسىنداعى ىنتىماقتاستىقتى جان-جاقتى ستراتەگيالىق سەرىكتەستىك دەڭگەيىنە كوتەرەدى دەپ سەنەمىن, دەدى نۇرسۇلتان نازارباەۆ. ودان ءارى ەلباسى شاعىن قۇرامداعى كەزدەسۋدىڭ قورىتىندىلارىنا توقتالىپ, وندا اشىق جانە سەنىمدى پىكىر الىسۋ بولعانىنا ريزاشىلىعىن ءبىلدىردى.
وسىدان كەيىن پرەزيدەنت سي تسزينپيندى قحر-ءدىڭ الداعى بولاتىن مەملەكەتتىك مەرەكەسىمەن قۇتتىقتادى. مەن ءسىزدى الدا كەلە جاتقان قىتاي حالىق رەسپۋبليكاسىنىڭ قۇرىلعان كۇنىمەن قۇتتىقتايمىن. تاۋەلسىزدىگىمىزدىڭ العاشقى كۇنىنەن باستاپ قىتايمەن ارامىزدا دامىپ كەلە جاتقان تاتۋ كورشىلىك قارىم-قاتىناسىمىز بەن سەرىكتەستىگىمىز ءبىز ءۇشىن باسىم باعىت بولىپ تابىلادى. ءسىزبەن جۇرگىزگەن كەلىسسوزدەرىمىز ەلدەرىمىزدىڭ دوستىعىن, حالىقتارىمىز اراسىنداعى ىنتىماقتاستىق پەن سەنىمدى مۇلدە جاڭا بيىككە كوتەرەتىنىنە سەنىمدىمىن, دەدى قازاقستان باسشىسى.
سي تسزينپين نۇرسۇلتان نازارباەۆقا قازاقستانعا كەلىپ قايتۋعا شاقىرعانى ءۇشىن العىسىن ايتتى. مەن بۇل ساپاردى كوپتەن ارمانداعان ەدىم, بۇگىن سول ارمانىم ورىندالدى دەۋگە بولادى. اۋەجايعا ءوزىڭىز كەلىپ قارسى العانىڭىزدى ماقتان ەتەمىن. وسى ورايدا, جىلى قابىلداۋىڭىز ءۇشىن سىزگە ريزاشىلىعىمدى بىلدىرگىم كەلەدى. ءسىزدىڭ كورىكتى قالاڭىزدى كەشە بىرگە ارالاپ كوردىك. ۇلتتىق سيپات پەن ناقىشتاعى زاماناۋي عيماراتتاردى بىرگە تاماش
