سونىمەن قاتار مەملەكەت باسشىسى كارانتين كەزىندە ەل تۇرعىندارىنا قولداۋ كورسەتىپ جاتقان مəدەنيەت قايراتكەرلەرى مەن قىزمەتكەرلەرىنە العىس ايتتى.
«وسى مۇمكىندىكتى پايدالانىپ, ازاماتتارعا تۇسىنگەندەرى, شىدامدىلىق تانىتىپ, تاباندى بولعاندارى ءۇشىن ريزاشىلىعىمدى بىلدىرگىم كەلەدى. سونىمەن قوسا مادەنيەت قايراتكەرلەرىنە جەكە راقمەتىمدى جولدايمىن. ولار سوزبەن دە, ىسپەن دە قازاق حالقىنا كومەكتەسىپ جاتىر. بۇل رەتتە «كارانتيندەگى جۇلدىز» جالپىۇلتتىق جوباسىنىڭ بارىسىن ريزاشىلىقپەن قاداعالاپ وتىرمىن. بىرەگەي, ءارى پايدالى باستاما», - دەدى مەملەكەت باسشىسى.
ايتا كەتەيىك, مəدەنيەت جəنە سپورت مينيسترلىگى كارانتين كەزىندە «قازاقتەلەكوم» اق-مەن بىرلەسىپ, «كارانتيندەگى جۇلدىز» جوباسىن جۇزەگە اسىرىپ كەلەدى. ونلاين-كونتسەرت اياسىندا قازاقستاننىڭ حالىق ءارتىسى روزا رىمباەۆا ەكى رەت, جۇبانىش جەكسەن ۇلى, جەڭىس سەيدوللا ۇلى, سəكەن مايعازيەۆ, بەكبولات تىلەۋحان, ايمان مۇساقوجاەۆا, مايرا مۇحامەدقىزى, قۇرماش ماحانوۆ جəنە Əمىرە, ايقىن تولەپبەرگەن, جəميلə سەركەباەۆا, Ninety One توبى, MEZZO توبى ونەر كورسەتتى.
اتالعان ونەرپازداردىڭ كونتسەرتىن ەلىمىزدەن بولەك, تمد ەلدەرى, سەربيا, اقش, فرانتسيا تۇرعىندارى تاماشالاعان.
