ەڭ الدىمەن, بۇل ماقالانى 30 جىل بويى قالىپتاسقان ءداستۇردىڭ جالعاسى رەتىندە قابىلدادىم. ويتكەنى ەلباسى قانداي قيىن كەزەڭ بولسىن, حالىقپەن كەڭەسىپ, ءبىر-بىرىنە تىرەك بولىپ كەلەدى. مۇنى ەلباسى ماقالاسىندا «تاۋەلسىزدىك جىلدارى ەل ءومىرىنىڭ ەڭ قيىن دا كۇردەلى كەزەڭدەرىندە مەن كەز كەلگەن ماسەلەنى قادىرمەندى وتانداستارىممەن بىرگە بۇكپەسىز, اشىق تالقىعا سالىپ, تۋعان حالقىممەن ۇنەمى وي ءبولىسىپ كەلەمىن» دەپ ءوزى دە اتاپ ءوتتى.
تۇڭعىش پرەزيدەنت جەر-جاھاندى قاۋىپتى ىندەت جايلاعان قازىرگى سىن ساعاتتا دا اۋىرتپالىقتى حالىقتىڭ سابىرلىعىنىڭ, ەرىك-جىگەرىنىڭ ارقاسىندا امان-ەسەن جەڭەتىنىمىزگە سەندىرەدى. مۇنداي سەنىمدىلىككە نەگىز دە جوق ەمەس. ەڭسەلى ەل بولىپ ىرگەمىزدى بەكىتكەن وسى كۇنگە دەيىن ەلدىگىمىز بەن بىرلىگىمىز سىنالعان تالاي داعدارىسقا تاپ كەلدىك. ەلباسىنىڭ كوشباسشىلىعىمەن قانداي قيىندىق بولسىن, ءبارىن ەڭسەرىپ, ەلدىڭ تۇتاستىعى مەن تۇراقتىلىعىنا سىزات تۇسىرمەدىك.
ارينە بۇل ماقالانىڭ زاۋالدى شاقتان ناقتى جۇيەلى جۇمىسپەن جول تاۋىپ شىعۋدى نۇسقايتىن كورەگەن كەڭەسكە قۇرىلعانىن ۇعىنىپ وتىرمىز. مۇنىڭ ءبىر مىسالى, ەلباسى ۇلتتىق قورىمىز بۇگىنىمىزگە عانا ەمەس, ەرتەڭىمىزگە دەگەن سەنىمىمىزدى كۇشەيتە تۇسەتىنىن ايتتى. ۇلتتىق قور تۇرعاندا الەۋمەتتىك ساياساتتى تولىقتاي جۇزەگە اسىرۋىمىزعا مۇمكىندىگىمىز بار. بىراق قورىمىز ورتايىپ قالماس ءۇشىن ونى تولتىرىپ وتىرۋدى دا ەستەن شىعارمايىق. بۇل رەتتە ەكونوميكانى دامىتۋ باستى نازاردان تۇسپەۋى ءتيىس.
ەلباسى داعدارىس قىسقان ۋاقىتتا جەدەل تۇردە ۇتىمدى شەشىم قابىلداپ, ءتيىمدى رەفورمالار جۇرگىزۋگە بولاتىنىن قانشا مارتە دالەلدەپ كورسەتتى. سول سياقتى ءدال وسى كەزدە قاراپايىم ماسكا مەن دەزينفەكتسيا قۇرالدارىنىڭ تاپشىلىعى سەزىلگەندە, ءبىزدىڭ كاسىپكەرلەر ناقتى ىسكە كىرىسىپ, وسىنداي ونىمدەردى وزدەرى دە شىعارا باستادى. سوندىقتان بىرلىگىمىز بار جەردە تىرلىگىمىز دە تياناقتى بولىپ, بارلىق قيىندىقتى جەڭىپ شىعامىز!
بەيبىت مامراەۆ,
ءماجىلىس دەپۋتاتى
