توتەننەن كەلگەن ناۋبەتپەن كۇرەسۋدە قازاقستان رەسپۋبليكاسىنىڭ پرەزيدەنتى مەن ۇكىمەتتىڭ جانە جەرگىلىكتى اتقارۋشى ورگانداردىڭ قويىپ وتىرعان قاتاڭ تالاپتارىن ساقتاۋعا ۇندەيدى. قىتاي ەلى قاتاڭ ءتارتىپتىڭ ارقاسىندا بۇل ىندەتتى اۋىزدىقتادى. ەلباسى ماقالاسىندا اعا-ۇرپاق وكىلدەرىنە ءسوز ارناپ, ولاردى ىنتىماقتى بولۋعا, يگىلىكتى ىستەردىڭ باسىندا تۇرۋعا, سالاماتتى ءومىر سالتىن ۇستاۋعا شاقىردى.
ەلباسى جاس ۇرپاق وكىلدەرىنە ارناعان سوزىندە «ەلىمىزدىڭ بولاشاعى سىزدەرسىزدەر, بۇگىنگى جاس ۇرپاق ەگەمەندىگىمىزدىڭ قۇرداستارى, اعا ۇرپاق وكىلدەرى سىزدەر ءۇشىن قولىنان كەلگەننىڭ بارلىعىن جاسادى, ەندى كەزەك سىزدەردە» دەپ سەنىم ارتتى.
ەلباسى كاسىپكەرلەرگە ءسوز ارنادى. تاۋەلسىزدىك العالى ەلباسىنىڭ باستاماسىمەن قولعا الىنعان «قازاقستان-2050» باعدارلاماسىنىڭ ىشىندەگى يندۋستريالىق-يننوۆاتسيالىق دامۋ باعدارلاماسىنىڭ ارقاسىندا ەلىمىزدە 1 مىڭنان اسا كاسىپورىن اشىلدى. كوپ كاسىپكەرلەر بۇگىنگى كۇنى اياعىنان تۇردى, ەندى ولار مەن ەلىمە نە بەرەمىن دەگەن ۋاقىت كەلدى دەدى. ءوز كەزەگىندە كاسىپكەرلەر دە ەلباسىنىڭ باستاماسىمەن قۇرىلعان ء«بىز بىرگەمىز!» قورىنا باق مالىمەتى بويىنشا 14 ملرد تەڭگەدەن استام قارجى قۇيدى. بۇل يگى ءىس ءارى قاراي جالعاسىن تابادى دەپ سەنىپ وتىرمىز.
قيىن كەزدە بەلدى بەكەم بۋىپ, ىنتىماق, بىرلىكتى بەرىك ۇستاپ پرەزيدەنتتىڭ, ۇكىمەتتىڭ تالاپتارىن ورىنداساق, بۇل قيىندىقتان دا شىعامىز. ويتكەنى ەلباسىمىز قازاقستاندى ماڭگىلىك ەل بولۋعا باستايتىن باستى باعىتتاردى ايقىنداپ بەردى.
ءالىمجان قۇرتاەۆ,
سەنات دەپۋتاتى
