ايماقتار • 09 ءساۋىر، 2020

فەرروقورىتپا زاۋىتى ىسكە قوسىلعالى بەرى 45 مىڭ توننادان استام دايىن ءونىم شىعاردى

33 رەتكورسەتىلدى

«YDD Corporation» قاراعاندى فەرروقورىتپا زاۋىتى ىسكە قوسىلعان كۇننەن باستاپ 45 مىڭ توننادان استام فەرروسيليتسي شىعاردى دەپ حابارلادى يدم ءباسپاسوز قىزمەتى.

بۇگىنگى تاڭدا زاۋىت ونىمدەرى قازاقستان، ەۋروپا، وڭتۇستىك-شىعىس ازيا، سولتۇستىك جانە وڭتۇستىك امەريكا نارىقتارىندا ساتىلادى، وسىلايشا ساپالى ءوندىرىس ەسەبىنەن فەرروسيليتسياعا جەرگىلىكتى جانە جاھاندىق سۇرانىستى قامتۋ كوزدەلگەن. سوڭعى جىلدارى فەرروقورىتپا ەكسپورتى 14% - عا تومەندەگەنىن ەسكەرسەك بۇل وتە ماڭىزدى جوبا بولىپ تابىلادى. 

كاسىپورىننىڭ نەگىزگى شىعاراتىن ءونىمى جوعارى ساپالى فەرروسيليتسيا بولىپ تابىلادى، ول بولات، شويىن قورىتپالارىن ءوندىرۋ جانە قوسپالاۋ، مەتالداردىڭ مەحانيكالىق جانە كورروزيالىق توزىمدىلىگىن جاقسارتۋ كەزىندە قولدانىلادى.

جالپى بۇل ءونىم الەمدە بارلىق سالادا، اتاپ ايتقاندا ونەركاسىپتىك جانە ازاماتتىق قۇرىلىستاعى مەتالل كونسترۋكتسيالارىنىڭ ساپاسىن ارتتىرۋدا، اۆتوموبيل-اۋە-كەمە جاساۋدا، ءتىپتى جوعارى دالدىكتى حيرۋرگيالىق قۇرالداردى ءوندىرۋ كەزىندە دە قولدانىلادى.

قاراعاندى وبلىسىنداعى «YDD Corporation» فەرروقورىتپا شىعاراتىن جاڭا اۆتوماتتاندىرىلعان زاۋىتتىڭ رەسمي اشىلۋ سالتاناتى 2019 جىلدىڭ شىلدە ءايىندا وتتى. جوبانى ىسكە اسىرۋ ءۇشىن قۇرىلىس كەزەڭىندە 500-دەن استام ادام ەڭبەك ەتتى. قازىرگى ۋاقىتتا مەتاللۋرگيالىق زاۋىتتى پايدالانۋ بارىسىندا تۇراقتى نەگىزدە 550 بىلىكتى مامان جۇمىس ىستەيدى.

جوبانىڭ ەرەكشەلىگى مەتاللۋرگيا زاۋىتىنىڭ ارقايسىسى 63 مۆا اينالمالى ۆاننالىق قۋاتى بار ءۇش بەلسەندى رۋدوتەرميالىق پەش تەحنولوگياسىن پايدالانۋى بولىپ تابىلادى. ولار ونەركاسىپتىك جاعدايلاردا سىناقتان ءوتتى جانە يندۋستريا 4.0. ەلەمەنتتەرىمەن جابدىقتالعان الەمدىك فەرروسيليتسيانىڭ جاڭا جەتىستىكتەرىن قولدانۋ ەسەبىنەن ۇزدىك الەمدىك ستاندارتتارعا سايكەس كەلەدى.

سونىمەن قاتار، جوبانىڭ ەكولوگيالىق تيىمدىلىگىنە دە ەرەكشە نازار اۋدارىلعان. اتاپ ايتقاندا، زاۋىتتا ورناتىلعان گاز تازارتۋ جۇيەسىنىڭ الەمدە تەڭدەسى جوق جانە اۋانى تازارتۋدىڭ جوعارى دەڭگەيىن، ياعني 99،8% - عا دەيىن قامتاماسىز ەتەدى. 

بۇل گاز تازارتۋ جۇيەسى ءوندىرىس بارىسىندا پايدا بولعان شاڭدى ۇستاپ، ونى قۇرىلىس ونەركاسىبىندە قولدانىلاتىن ميكروكرەمنەزەمگە اينالدىرادى. وسىلايشا ول تسەمەنت، بەتون جانە ت. ب. ءوندىرۋ ءۇشىنپايدالانىلادى. 

ءۇشىنشى پەشتى ىسكە قوسقاننان كەيىن «YDD Corporation» جشس فەرروسيليتسي ءوندىرىسىن جىلىنا 180-200 مىڭ تونناعا دەيىن ۇلعايتۋدى جوسپارلاپ وتىر. ايتا كەتەتىن جايت، دايىن ءونىمدى ءوندىرۋ كەزىندە قازاقستاندىق قامتۋ ۇلەسى 94% قۇرايدى. بارلىق قاجەتتى شيكىزات بازاسى - كومىر، كۆارتسيت، وكالين وتاندىق كاسىپورىنداردان جەتكىزىلەدى. بۇگىندە بارلىق شيكىزات بويىنشا ۇزاق مەرزىمدى كەلىسىم-شارتتارعا قول قويىلدى.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار