الەم • 09 ءساۋىر، 2020

ديماشتىڭ برازيلياداعى فاناتتارى ابايدىڭ قارا سوزدەرىن پورتۋگال تىلىنە اۋداردى

38 رەتكورسەتىلدى

قازاقتىڭ ۇلى اقىنى اباي قۇنانباي ۇلىنىڭ «قارا سوزدەرى» پورتۋگال تىلىندە جارىق كورەدى. بۇل تۋرالى DimashNews رەداكتسياسىنا ديماش قۇدايبەرگەننىڭ برازيلياداعى ەڭ ءىرى «DKFCB» فان-كلۋبىنان حابارلادى. اۋدارما ىسىنە فان–توپ اكىمشىلەرىنىڭ ءبىرى اتسالىسقان دەپ حابارلايدى dimashnews.com

ديماش قۇدايبەرگەننىڭ برزيلياداعى فان-كلۋبى 2018 جىلدىڭ قاراشا ايىندا قۇرىلدى. قازىردە ەلدەگى ەڭ ءىرى ءارى بەلسەندىسى سانالادى. وسى ۋاقىتقا دەيىن برازيليالىق ديارستاردا فان-كلۋب اتاۋلى بولماعان، ولاردىڭ بارلىعى ونداعان حالىقارالىق توپتاردا مۇشەلىك ەتكەن ەكەن.

ءساتىن سالعاندا، 2018 جىلدىڭ قاراشاسىندا تاتيانا ريبەيرو مەن انا پاۋلا ليمانىڭ تاريحي كەزدەسۋى ديماشتىڭ برازيليالىق «DKFCB» فان-كلۋبىنىڭ قۇرىلۋىنا اكەپ سوقتى. بۇل ءوز كەزەگىندە بارلىق ديارستىڭ بىرىگىپ، ديماشتىڭ مۋزىكاسىن ەلگە تانىتا تۇسۋىنە جاسالعان ۇلكەن قادام بولدى. بۇگىندە فان-كلۋبتىڭ ءتورت اكىمشىسى بار، ولار: تاتيانا ريبەيرو، ديانا چەنگ، انا پاۋلا ناسيمەنتو جانە سابرينا ماسيەل.

قازىرگى تاڭدا «DKFCB» كلۋبىندا 5000-عا جۋىقبەلسەندىقاتىسۋشى بار. فان-كلۋب Instagram مەن Twitter سەكىلدى الەۋمەتتىك جەلىلەردە اككاۋنتتار تىركەگەن. سونىمەن بىرگە، YouTube جەلىسىندە برازيليالىق ديارستار پورتۋگال تىلىندە سۋبتيترمەن ديماشتىڭ ۆيدەولارىن جۇكتەپ وتىرادى، قازاقستاندىق ءانشى جانە قازاقستان مۋزىكاسى مەن مادەنيەتى تۋرالى بلوگ جۇرگىزىپ كەلەدى.

فان-كلۋب اشىلعالى برازيلياداعى فاناتتار سان-پاۋلۋ، ريو-دە-جانەيرو جانە رەسيفي قالالارىندا ءۇش فان-كەزدەسۋ ۇيىمداستىردى. ءار كەزدەسۋ جانعا جايلى وتباسىلىق وتىرىستار سەكىلدى ءوتتى. بۇگىندە «DKFCB» كلۋبى فاناتتاردى ەل استاناسى برازيليا قالاسىنا ديماشتىڭ تۋعان كۇنىن اتاپ وتۋگە شاقىرىپ جاتىر.

كەزدەسۋدەن بولەك فان-كلۋب مۇمكىندىگى شەكتەۋلى بالالاردى مۋزىكاعا وقىتاتىن مەكەمەنى قولداۋ ماقساتىندا اكتسيا ۇيىمداستىرىپ كەلەدى. الايدا، شارا كوروناۆيرۋس پاندەمياسىنا بايلانىستى قاراشا ايىندا شەگەرىلدى. جينالعان بارلىق قاراجات كارانتينگە بايلانىستى مۇقتاج جاندارعا ازىق-ت ۇلىك الىپ بەرۋگە جۇمسالادى.

«DKFCB» برازيلياداعى قازاقستاننىڭ ەلشىلىگىمەن دە تىعىز جۇمىس ىستەيدى. ەلشىلىك ءوز پاراقشاسىندا ديارستاردىڭ ديماشقا قاتىستى ماقالالارى تۇراقتى تۇردە جاريالانادى.

1

فان-كلۋب اكىمشىلەرىنىڭ ءبىرى سابرينا ماسيەل اباي قۇنانباي ۇلىنىڭ شىعارمالارىن پورتۋگال تىلىنە اۋدارۋعا زور ۇلەس قوسىپ كەلەدى. جاقىن ۋاقىتتا ۇلى اقىننىڭ شىعارمالارى برازيليادا جارىق كورەدى. وسىعان دەيىن ابايدىڭ ۇلى شىعارماسى تولىق كولەمدە پورتۋگال تىلىنە ەشقاشان اۋدارىلماعان ەكەن.

– بۇگىندە برازيليالىقتاردىڭ قازاق مادەنيەتى مەن قازاق تىلىنە ۇلكەن قىزىعۋشىلىق تانىتىپ جاتقانىن بايقاپ وتىرمىز. ديماشتىڭ ءوز ەلىنىڭ سالتداستۇرىمەن جاقىن تانىستىرىپ جاتقانى قۋانتادى. ءانشىنىڭ تۋعان ەلىنە ماحابباتى ءار كونتسەرتتە، ءار سۇحباتىندا سەزىلەدى، ءارى بىزگە بەرىلەدى. قازىرگى ءبىزدىڭ ۇلكەن ارمانىمىز – ديماشتىڭ برازيلياداعى كونتسەرتىنە بارۋ، – دەيدى فان-كلۋبتىڭ نەگىزىن قالاۋشىلاردىڭ ءبىرى تاتيانا ريبەيرو.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار