وسى ماقساتتا تارازعا جاۋىنگەرلىك اتتار مەن تاجىريبەسى مول 30 كەلىسىمشارت بويىنشا اسكەري قىزمەتشىلەر جىبەرىلدى. سونىمەن قاتار, قىزمەتتىك اتتاردى ۇستايتىن ورىن سالىندى.
«تاراز ماڭىنداعى بلوكبەكەتتەردە جاۋىنگەرلىك كەزەكشىلىكتى اتقارۋ ءۇشىن ءبىزدىڭ بولىمىمىزدەن ەڭ ۇزدىك جانە جاقسى دايىندالعان اسكەري قىزمەتشىلەرى مەن جاۋىنگەرلىك اتتارى جىبەرىلدى, - دەپ اتاپ ءوتتى اسكەري ءبولىمىنىڭ كومانديرى مايور ەركىن جولامانوۆ.
توپتى تاۋلى-ەگەرلىك روتاسىنىڭ كومانديرى اعا لەيتەنانت بەكداير تولەگەنوۆ باسقاردى.
اتالمىش بولىمشەدە تاۋ-اتىس, تاۋلى-ەگەرلىك روتالارى بار. اسكەري قىزمەتشىلەرىندە كاسىبي الپينيستتىك, سونداي-اق اتپەن جۇمىس ىستەۋ داعدىلارى جاقسى دامىعان. اسكەري بىرلىك رەتىندە قىزمەتتە جىلقىلار دا بار. تەحنيكاعا ءجۇرىپ وتۋگە قيىن تاۋلى جەرلەردە, ولار وق-دارىلەردى, جۇكتەردى, جارالانعانداردى تاسىمالداۋ سىندى مىندەتتەردى اتقارادى. جالپى اتالمىش بولىمشە تاۋلى ايماقتارداعى جاۋىنگەرلىك ءىس-قيمىلدار كەزىندە جوعارى ۇتقىرلىعىمەن جانە شەبەرلىگىمەن ەرەكشەلەنەدى.
تاۋلى-ەگەرلىك روتانىڭ اسكەري قىزمەتشىلەرىنىڭ كاسىبيلىگى حالىقارالىق دەڭگەيدە دە دالەلدەدى. وتكەن جىلى كوماندا حالىقارالىق اسكەري ويىندار اياسىندا ماڭعوليادا وتكەن «ات مارافونى» بايقاۋىندا, سول ەلدىڭ قاتىسۋشىلارىنا عانا ەسە جىبەرىپ, ەكىنشى ورىنعا يە بولدى.
تاۋلى-ەگەرلىك بولىمشەدەگى قىزمەت ەرەكشە ءبىلىم مەن داعدىلاردى تالاپ ەتەدى. ال وقۋ-جاتتىعۋلارمەن, سايىستار بارىسىندا جيناعان تاجىربيە, قىزمەتتە ءوز ۇلەسىن قوسادى.
