ارنايى وپەراتسيا بارىسىندا كريمينالدىق پوليتسيا باسقارماسىنىڭ قىزمەتكەرلەرى زاڭسىز اڭ اۋلاعان, سونداي-اق قارۋ مەن ونىڭ وق-دارىلەرىن زاڭسىز ساقتاعان «ك» ەسىمدى ۇلتتىق تابيعي ساياباقتىڭ مەملەكەتتىك ينسپەكتورىن ۇستادى. سوت سانكتسيالاعان ءتىنتۋ بارىسىندا پوليتسيا قىزمەتكەرلەرى ازاماتتان بولجام بويىنشا قىزىل كىتاپقا ەنگىزىلگەن «قاراقۇيرىقتىڭ» ەتىن جانە تىركەلمەگەن وقتارى بار ويىق اتىس قارۋىنىڭ ەكى بىرلىگىن تاۋىپ, تاركىلەدى.
«ۇستالعان ازامات ءوزىنىڭ جاعدايىنا بايلانىستى بەكىتىلىپ بەرىلگەن اڭشىلىق القاپتاردا جانۋارلار دۇنيەسىن قورعاۋدى قامتاماسىز ەتۋگە, اڭ اۋلاۋ ەرەجەلەرىن بۇزۋدىڭ جولىن كەسۋگە ءتيىس بولاتىن. الايدا, ونىڭ ورنىنا ول ۇلتتىق ساياباقتىڭ اۋماعىنداعى ەرەكشە قورعالاتىن ايماقتا جانۋارلاردى ولتىرگەن. وسى اقپاراتتى العاننان كەيىن جەدەل ۋاكىلدەر قاداعالاۋ جۇرگىزىپ, ونىڭ بارلىق زاڭسىز ارەكەتتەرىن دالەلدەدى», – دەپ حابارلايدى الماتى وبلىسى پد تەرگەۋ باسقارماسىنىڭ اعا تەرگەۋشىسى ەرنار قالتاەۆ.
اتالعان دەرەك سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە قر قىلمىستىق كودەكسىنىڭ 337-بابى 4-بولىگىنىڭ 1,2,3-تارماقتارىمەن, 287-بابىنىڭ 3-بولىگىمەن تىركەلدى. كۇدىكتى ۋاقىتشا ۇستاۋ وقشاۋلاعىشىنا قاماققا الىنىپ, سوت-بيولوگيالىق ساراپتاما تاعايىندالدى.
