رۋحانيات • 08 ءساۋىر، 2020

تەاتردىڭ ونلاين تارتۋى

11 رەتكورسەتىلدى

كارانتين كەزىندە بالالاردىڭ رۋحاني ءبىلىمىن ارتتىرۋ ءۇشىن قازاقستاندىق تەاترلار ارنايى ونلاين جوبانى ىسكە قوسقان ەدى. ەلوردا تەاترلارى دا بۇل جوباعا بەلسەنە قاتىسىپ، كىشكەنتاي كورەرمەندەرگە ۇزدىك تۋىندىلارىن ۇسىنىپ جاتىر.

نۇر-سۇلتانداعى م.گوركي اتىنداعى ورىس دراما تەاترى ءار سارسەنبى، جۇما كۇندەرى ساعات 11.00-دە GORKY FM راديوستانساسى ارقىلى الەمنىڭ جاۋھارى سانالاتىن كوركەم تۋىندىلار جونىندە سىر شەرتۋدى ادەتكە اينالدىرعان. راديوحابار بارىسىندا تەاتردىڭ تالانتتى اكتەرلەرى مەكتەپ باعدارلاماسىنا ەنگەن كوركەم شىعارمالاردان ءۇزىندى وقيدى.

تەاتر ۇجىمى 10 ءساۋىر كۇنى، ساعات 10.00-دە  حانس كريستيان اندەرسەننىڭ «قار پاتشايىمى» ەرتەگىسىن ساحنالاماق. كىشكەنتاي كورەرمەندەر بۇل ەرتەگىنى تىكەلەي كورسەتىلىم ارقىلى YouTube كانالىنان تاماشالاي الادى.

سونداي-اق، ونەر ورداسىنىڭ مەكتەپ وقۋشىلارىنا ارنالعان تاعى ءبىر تارتۋى – ادەبيەت پانىنەن ارنايى كۋرستار لەگى. 11 ساۋىردەن باستاپ، اپتا سايىن YouTube كانالىنان كورسەتىلەتىن ونلاين-جوبانى رەسپۋبليكالىق فيزيكا-ماتەماتيكا مەكتەبىنىڭ ورىس ءتىلى جانە ادەبيەتى ءپانىنىڭ مۇعالىمى لاۋرا يلياسوۆا جۇرگىزەدى. العاشقى ونلاين-ساباق ا.پۋشكيننىڭ پوۆەسىنە ارنالاتىن بولادى.

 

قىمبات توقتامۇرات

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار