كوروناۆيرۋس • 08 ءساۋىر، 2020

ءۇي جانۋارىنان ۆيرۋس جۇعا ما؟

34 رەتكورسەتىلدى

قىتايدىڭ ۆيرۋسى پايدا بولعالى ونى جان-جانۋارلار دا جۇقتىرعانى تىركەلگەن. مىسالى، نيۋ-يورك زووپاركىندە جەتى جىرتقىش – ءتورت جولبارىس پەن ءۇش ارىستان اۋىرعان. اۋرۋدىڭ العاشقى بەلگىلەرى اڭداردا جوتەلدەن باستالعان.

ەپيدەميا باستالعالى يت پەن مىسىقتىڭ دە ۆيرۋس جۇقتىرعانى انىقتالعان. گونكونگتا كوروناۆيرۋس جۇقتىرعان جالعىز يت ەمدەلگەننەن كەيىن ءولىپ قالعان. بەلگيادا اياق استىنان قىزۋى كوتەرىلگەن مىسىقتى تەكسەرگەن كەزدە ونىڭ ۆيرۋس جۇقتىرعانى بەلگىلى بولعان. ءدال وسىنداي جاعداي قىتايدا دا كەزدەسكەن.

جانۋارلار اۋرۋدى ءوز قوجايىنىنان نەمەسە كوشەدەن جۇقتىرعان.    سوندىقتان بريتانيانىڭ ۆەتەرينارلارى ادام ۆيرۋسپەن اۋىرىپ، كارانتينگە الىنسا، وندا ۇيدەگى جانۋارلاردى دا بولەك ۇستاۋ كەرەكتىگىن ەسكەرتەدى.  

كەيبىر ساراپشىلار ءۇي جانۋارلارىنان ادامعا ۆيرۋس جۇعۋى مۇمكىن دەگەن پىكىردى ايتىپ قالىپ ءجۇر. بىراق بۇعان ەشقانداي دا دالەل جوق ازىرگە. دەگەنمەن دە ماماندار يت، مىسىق ۇستايتىن ادامدارعا ساق بولۋعا شاقىرادى. جانۋارلار ۆيرۋس تاسىمالداۋشى بولماعانىمەن، جۇنىندە ۆيرۋس جابىسىپ ءجۇرۋى مۇمكىن. سوندىقتان جانۋارلاردى ۇستاعاننان كەيىن گيگيەنا تالاپتارىن ساقتاپ، قولدى سابىنداپ مۇقيات جۋعان ءجون.

 

قىمبات توقتامۇرات

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار