قازاقستان • 08 ءساۋىر، 2020

الماتىداعى جاڭا زاۋىت جىلىنا 100 مىڭ توننا قۇبىر شىعارادى

24 رەتكورسەتىلدى

​2020 جىلدىڭ ەكىنشى توقسانىندا الماتى قالاسىنىڭ الاتاۋ اۋدانىنىڭ يندۋستريالىق ايماعىندا "ۇلكەن ديامەترلى دانەكەرلەنگەن بولات قۇبىرلارىن شىعاراتىن زاۋىت قۇرىلىسى" جوباسىنىسكە قوسۋ جوسپارلانىپ وتىر دەپ حابارلايدى يدم ءباسپاسوز قىزمەتى.

قۇرىلىس الاڭىنىڭجالپى اۋماعى - 18،3 گەكتار. جوعارى تەحنولوگيالىق زاۋىت قۇرىلىسى قازاقستانعا اكەلىنەتىن قۇبىر ونىمدەرىنىڭ 70% يمپورتىن الماستىرۋعا مۇمكىندىك بەرەدى.
جوبانى جۇزەگە اسىرۋ ۇشىن "Asia Steel Pipe Corporation" قازاقستان-قىتاي بىرلەسكەن كاسىپورنى قۇرىلدى. ينۆەستيتسيانىڭ جالپى سوماسى 33 ملرد تەڭگەدەن اسادى. اتالمىش جوبا 2015-2019 جىلدارعا ارنالعان رەسپۋبليكالىق يندۋستريالاندىرۋ كارتاسىنا ەنگىزىلگەن. سونداي-اق "بىر بەلدەۋ، بىر جول" باعدارلاماسى اياسىندا قحر مەن قر اراسىنداعى نەگىزگى جوبالار تىزىمىنە كىرەدى.

ايتا كەتۋ كەرەك، قۇبىر زاۋىتى ورنالاساتىن جەر رەتىندە الماتى قالاسى لوگيستيكا جانە بولات ورامىنىڭ نەگىزگى جەتكىزۋشىسى – باتىس قىتايداعى مەتاللۋرگيالىق زاۋىتتارعا جاقىن بولۋ ۇشىن تاڭداپ الىنعان.

وتاندىق زاۋىت جىل سايىن 100 مىڭ تونناعادەيىن جوعارى ساپالى قۇبىر ونىمدەرىن شىعارادى دەپ جوسپارلانۋدا. الداعى ۋاقىتتا وندىرىستى 150 مىڭ تونناعا دەيىن كەڭەيتۋ كوزدەلىپ وتىر.ء بىرىنشى جەلى سپيرالدى قۇبىرلار شىعارادى. كەيىن ۇلكەنديامەترلى تىك جىكتى قۇبىرلار جەلىسىن ىسكە قوسۋ كوزدەلگەن.

زاۋىتتا ديامەترى 355 مم-دەن 1420 مم-گە دەيىن، ۇزىندىعى 8 م-دەن 12،5 م-گە دەيىن قۇبىر ونىمدەرىن شىعارۋ كوزدەلگەن. قۇبىرلاردى وندىرۋ كەزىندە بەرىكتىگى جوعارى X80، ح100 ساناتىنداعى بولات قولدانىلادى. ال قۇبىر قابىرعالارىنىڭ قالىڭدىعى 6،4 مم-دەن 25،4 مم-گە دەيىن بولادى.

بۇل دانەكەرلەنەتىن قۇبىرلار مۇنايدى، گازدى، سۋدى جانە مۇناي ونىمدەرىن تاسىمالداۋعا، سونداي-اق تاۋ-كەن، قۇرىلىس، حيميالىق ونەركاسىپ، ەنەرگەتيكا سالالارىندا پايدالانۋعا ارنالعان. وسىلايشا، جاڭا زاۋىت ىشكى نارىق پەن تاياۋ شەتەلدەردى ساپالى قۇبىر ونىمدەرىمەن قامتاماسىز ەتۋگە مۇمكىندىك بەرەدى. سونىمەن قاتار، كاسىپورىندا 300-دەن استام تۇراقتى جۇمىس ورنى قۇرىلادى.

دانەكەرلەنگەن بولات قۇبىرلارىن شىعاراتىن زاۋىت جوباسىن جۇزەگە اسىرۋ قر تۇڭعىش پرەزيدەنتى –ەلباسى نۇرسۇلتان نازارباەۆ پەن قحر توراعاسى سي تسزينپيننىڭ 2014 جىلعى كەزدەسۋىنىڭ قورىتىندىسى بويىنشا مۇمكىن بولدى. سول كەزدەسۋدە "قازمۇنايگاز"ۇك" اق مەن CNPC اراسىندا مۇناي-گاز سالاسىنداعى كەشەندى ستراتەگيالىق ىنتاماقتاستىق باعدارلاماسىنا قول قويىلدى.

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار