پرەزيدەنت • 08 ءساۋىر، 2020

مەملەكەت باسشىسى اقش-تىڭ مەملەكەتتىك حاتشىسى مايكل پومپەومەن تەلەفون ارقىلى سويلەستى

69 رەتكورسەتىلدى

قازاقستان پرەزيدەنتى اقش-تىڭ مەملەكەتتىك حاتشىسى مايكل پومپەومەن تەلەفون ارقىلى سويلەستى. بۇل تۋرلى اقوردا حابارلادى. 

مەملەكەت باسشىسى قاسىم-جومارت توقاەۆ پەن مايكل پومپەو COVID-19 ىندەتىنىڭ تارالۋىنا قارسى كۇرەستە حالىقارالىق ءىس-قيمىلداردى ۇيلەستىرۋ ماسەلەلەرىن تالقىلادى. قاسىم-جومارت توقاەۆ اقش-تىڭ قازاقستانعا قولداۋ ءبىلدىرىپ، گۋمانيتارلىق كومەك كورسەتكەنى ءۇشىن ريزاشىلىعىن ءبىلدىردى.

اقش ديپلوماتياسىنىڭ باسشىسى ۆاشينگتوننىڭ پاندەميانى تەزىرەك اۋىزدىقتاۋ جانە ونىڭ سالدارىن جويۋ ماقساتىندا ەكىجاقتى ىقپالداستىقتى ارتتىرۋ نيەتىن ناقتىلادى.

مەملەكەت باسشىسى قازاقستاننىڭ ورتالىق ازيا ەلدەرىندەگى ەپيدەميولوگيالىق جانە ازىق-ت ۇلىك قاۋىپسىزدىگىن قامتاماسىز ەتۋ ءۇشىن كومەكتەسۋگە دايىن ەكەنىن ايتتى.

اڭگىمەلەسۋ بارىسىندا قازاقستان مەن امەريكا اراسىنداعى ساياسي ديالوگتى ودان ءارى تەرەڭدەتۋ جانە ساۋدا-ەكونوميكالىق ىنتىماقتاستىقتى نىعايتۋ تۋرالى ۋاعدالاستىققا قول جەتكىزىلدى.

تاراپتار قازاقستان مەن اقش اراسىنداعى ستراتەگيالىق سەرىكتەستىكتى ارتتىرۋدىڭ، ورتالىق ازيادا تۇراقتىلىق پەن قاۋىپسىزدىكتى ساقتاۋ ماقساتىندا اتقاراتىن بىرلەسكەن جۇمىستاردى جالعاستىرۋدىڭ ماڭىزدىلىعىن اتاپ ءوتتى.

 

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار