پارلامەنت • 08 ءساۋىر، 2020

ءماجىلىس سايلاۋ جانە ساياسي پارتيالارعا قاتىستى زاڭ جوبالارىن تالقىلاۋدى باستادى

53 رەتكورسەتىلدى

«پارلامەنت ماجىلىسىنە كونستيتۋتسيالىق زاڭ جوباسى كەلىپ ءتۇستى. بۇل زاڭ جوباسى قازاقستان پرەزيدەنتى قاسىم-جومارت كەمەل ۇلى توقاەۆتىڭ ۇلتتىق قوعامدىق سەنىم كەڭەسىنىڭ ەكىنشى وتىرىسىندا بەرگەن تاپسىرمالارىن ىسكە اسىرۋ جونىندەگى ءىس-شارالار جوسپارىنا سايكەس ازىرلەندى» دەدى ءماجىلىستىڭ زاڭناما جانە سوت-قۇقىقتىق رەفورما كوميتەتىنىڭ توراعاسى نۇرلان ءابدىروۆ پالاتانىڭ جالپى وتىرىسىندا.

وسى ورايدا ول قۇجاتتىڭ ماقساتى ايەلدەر مەن جاستاردىڭ قوعامدىق ساياسي پروتسەستەرگە قاتىسۋىن ىنتالاندىرۋعا نەگىزدەلگەنىن اتاپ ءوتتى.

«كوميتەت اتالعان زاڭ جوباسىن جۇمىسقا الۋعا جانە ول بويىنشا 2020 جىلعى 27 قاراشاعا دەيىن قورىتىندى ازىرلەۋگە دايىن» دەدى ن. ءابدىروۆ.

سونىمەن قاتار پارلامەنت ءماجىلىسى «ساياسي پارتيالار تۋرالى» قازاقستان رەسپۋبليكاسىنىڭ زاڭىنا وزگەرىس پەن تولىقتىرۋلار ەنگىزۋ تۋرالى» زاڭ جوباسى بويىنشا تالقىلاۋ جۇمىستارىن باستادى.

«بۇل زاڭ جوباسى دا مەملەكەت باسشىسىنىڭ ۇلتتىق قوعامدىق سەنىم كەڭەسىنىڭ ەكىنشى وتىرىسىندا بەرگەن تاپسىرمالارىن ورىنداۋعا باعىتتالعان. قۇجاتتىڭ باستى ماقساتى – ساپالى پارتيالىق جۇيەنى قۇرۋ، ساياسي پارتيالاردى تىركەۋ تالاپتىق شەگىن تومەندەتۋ. سونداي-اق زاڭ جوباسى جاڭا ساياسي پارتيالاردىڭ پايدا بولۋىنا جاعداي جاساۋعا جانە ايەلدەر مەن جاستاردىڭ ساياساتقا بەلسەندى كەلۋىن ىنتالاندىرۋعا باعىتتالعان. كوميتەت اتالعان زاڭ جوباسى بويىنشا 2020 جىلعى 27 قاراشاعا دەيىن قورىتىندى ازىرلەۋگە دايىن» دەدى نۇرلان ءابدىروۆ.

سوڭعى جاڭالىقتار

Apple Store دۇكەنى نە ءۇشىن قورشالۋدا؟

تەحنولوگيا • بۇگىن، 18:41

قازالىدا 42 جوبا جۇزەگە اسادى

ايماقتار • بۇگىن، 17:47

300 باسپاعا سۋبسيديا بەرىلەدى

ايماقتار • بۇگىن، 17:37

«بايقوڭىر» عارىش كەشەنىنە - 65 جىل

ايماقتار • بۇگىن، 17:30

ۇقساس جاڭالىقتار