ەلباسى • 08 ءساۋىر، 2020

«بىزدە مۇناي مەن گاز بار ەكەن دەپ، ۇنەمى سوعان تاۋەلدى بولعان دۇرىس ەمەس» – ەلباسى

565 رەتكورسەتىلدى

ەلباسى نۇرسۇلتان نازارباەۆ «Egemen Qazaqstan» گازەتىنىڭ بۇگىنگى سانىندا جاريالانعان ماقالاسىندا پاندەميانىڭ الەم ەكونوميكاسىنا اسەرىنە توقتالدى.

«جاھان جۇرتشىلىعىن ابىگەرگە سالعان پاندەميا جاڭا بۇكىل الەمدە ەكونوميكالىق داعدارىس تۋعىزدى. الىپ كاسىپورىنداردىڭ جۇمىسى توقتادى، كولىك اتاۋلىنىڭ قوزعالىسى شەكتەلدى. مۇنايدىڭ باعاسى قۇلدىرادى. ەل مەن ەل اراسىنداعى شەكارالار جابىلىپ، الىس-بەرىس تيىلدى. مۇنىڭ ءبارى بۇرىن-سوڭدى بولماعان اسا اۋقىمدى رەتسەسسياعا اكەلىپ سوقتىرىپ، جۇمىسسىزدىقتى كوبەيتىپ وتىر»،- دەدى ەلباسى. 

ء«بىزدىڭ وتانىمىز قازاقستان – قازبا بايلىقتارعا، ونىڭ ىشىندە مۇنايعا باي ەل. مەن «بىزدە مۇناي مەن گاز بار ەكەن دەپ، ۇنەمى سوعان تاۋەلدى بولعان دۇرىس ەمەس» دەپ تالاي مارتە ايتقانمىن. سوندىقتان ەگەمەندىك جىلدارى ءبىز ەل ەكونوميكاسىن ارتاراپتاندىرۋمەن بولدىق. وسى ماقساتتى جۇزەگە اسىرۋ ءۇشىن «قازاقستان – 2050» ستراتەگياسىن جاساپ، «ۇدەمەلى يندۋستريالىق-يننوۆاتسيالىق دامۋ» باعدارلاماسى اياسىندا 1000-نان استام جاڭا كاسىپورىن اشتىق. سونىڭ ارقاسىندا الەمدىك باسەكەگە قابىلەتتى ونىمدەر شىعارىلىپ، ەلىمىزگە جاڭا تەحنولوگيالار كەلدى. بۇل ەلىمىزدىڭ ءۇشىنشى تەحنولوگيالىق جاڭعىرۋىنا جول اشتى. ەل اۋماعىندا بۇرىن-سوڭدى بولماعان تەمىرجول، اۆتوكولىك جولدارى سالىندى» دەلىنگەن ماقالادا.

ەلباسى سونداي-اق ەلدەگى اۋىل شارۋاشىلىق سالاسىنىڭ دامۋىن اتاپ ءوتتى.

«جۇيەلى جۇرگىزىلگەن رەفورمالار ناتيجەسىندە اۋىل شارۋاشىلىعى دا ايتارلىقتاي دامىپ، قازاقستان ءوزىن ەت، ءسۇت جانە تاعى باسقا دا ازىق-ت ۇلىك ونىمدەرىمەن ەمىن-ەركىن قامتاماسىز ەتىپ قانا قويماي، الەمدەگى استىق ەكسپورتتاۋشى العاشقى التى مەملەكەتتىڭ قاتارىنا قوسىلدى. بولاشاق ءۇشىن، الدا كۇتىپ تۇرعان وسىنداي الماعايىپ زاماندار سىناعىن ەركىن ەڭسەرۋ ءۇشىن كوپ قارجى-قاراجات سالىپ، زور جاۋاپكەرشىلىكپەن اتقارىلعان بۇل رەفورمالاردىڭ دۇرىس بولعانىن ءومىردىڭ ءوزى دالەلدەدى» دەپ جازدى نۇرسۇلتان نازارباەۆ.

سوڭعى جاڭالىقتار

ۇقساس جاڭالىقتار