ايماقتار • 07 ءساۋىر، 2020

اتىراۋ: 98 ادام اسكەري جيىنعا قاتىسپاق

137 رەتكورسەتىلدى

اتىراۋ  وبلىسىندا 98 ادام اسكەري جيىنعا قاتىسۋعا نيەت تانىتىپ وتىر. اتىراۋ وبلىستىق قورعانىس ىستەرى جونىندەگى دەپارتامەنتى ءباسپاسوز قىزمەتىنىڭ مالىمەتىنە سۇيەنسەك، اسكەري جيىنعا شاقىرىلۋشىلار اراسىنان مەديتسينا قىزمەتكەرلەرىنە، رادياتسيالىق، حيميالىق، بيولوگيالىق قورعانىس ماماندارى مەن اتقىشتارعا باسىمدىق بەرىلەدى.

-اسكەري مىندەتتىلەردى ارناۋلى جيىندارعا شاقىرۋ 10 ءساۋىر مەن 10 مامىر ارالىعىندا جالعاسادى. 9 ساۋىردە تۇستەن كەيىن نيەت بىلدىرگەن اسكەري مىندەتتىلەر مەديتسينالىق تەكسەرۋدەن وتەدى. ال، 10 ساۋىردەن باستاپ ارناۋلى كيىمدەرمەن قامتاماسىز ەتىلىپ، جاتاقحاناعا ورنالاستىرىلادى.  ەگەر جاستار توتەنشە جاعداي جاريالانعانعا دەيىن جۇمىستا بولسا، ەڭبەكاقىسى بۇرىنعىشا تولەنەدى. ال، جۇمىسسىز جۇرگەندەرگە ەڭ تومەنگى جالاقى مولشەرى، ياعني 42500 تەڭگە بەرىلەدى. ولار تاماقپەن، ارناۋلى كيىمدەرمەن تولىقتاي قامتاماسىز ەتىلەدى، - دەيدى وبلىستىق قورعانىس ىستەرى جونىندەگى دەپارتامەنتتىڭ ءباسپاسوز حاتشىسى ۋربايزا ابيتوۆا.

وبلىستىق قورعانىس ىستەرى جونىندەگى دەپارتامەنتىنە ارنايى جيىنعا قاتىسۋ ءۇشىن ەرىكتى تۇردە ءوتىنىم بىلدىرگەندەردىڭ اراسىندا تاجىك-اۋعان ۇرىس ءىس-قيمىلدارىنا قاتىسقان  قابير احمەتقاليەۆ تا بار.  ول توتەنشە جاعداي ەنگىزىلگەنگە دەيىن العاشقى اسكەري دايىندىق ءپانىنىڭ ۇيىمداستىرۋشى-وقىتۋشىسى بولىپ ەڭبەك ەتكەن.

-جەرگىلىكتى اسكەري ورگانعا توتەنشە جاعداي رەجيمىندەگى ءىس-شارالاردى اتقارۋعا اتسالىسۋ ءۇشىن ەرىكتى تۇردە كەلدىم. قازىرگىدەي قيىن كەزدە  قول قۋسىرىپ وتىرا المادىم. ويتكەنى، ەكى اپتادان بەرى قازاقستاندىق اسكەري قىزمەتشىلەردىڭ دەزينفەكتسيالاۋ جۇمىسىن بەلسەندى اتقارعانىن كوردىم. ءبىزدىڭ پاتريوتتىعىمىز، بىرلىگىمىز وسىنداي كەزدە كورىنۋى  ءتيىس. سوندىقتان، بارشا اسكەري مىندەتتىلەردى جۇدىرىقتاي  جۇمىلۋعا شاقىرامىن - دەيدى قابير احمەتقاليەۆ.  

ونىڭ ايتۋىنشا، اسكەري جيىنعا قاتىسۋ بارشانىڭ ازاماتتىق  بورىشى بولۋى ءتيىس.

-ازاماتتىق بورىشتى قالاي ءتۇسىنىپ ءجۇرمىز؟ بۇل –تەك اسكەري قىزمەتكەرلەر عانا اتقاراتىن اسكەري قىزمەت  ەمەس، توتەنشە جاعداي كەزىندە بارشاعا جۇكتەلەتىن مىندەت. سول سەبەپتەن، ەلدىڭ اماندىعىن ويلايتىن، وتانىمىزدىڭ كەلەشەگىنە سەنەتىن  بارشا ازامات اسكەري جيىنعا قاتىسۋدان باس تارتپاعانى ءجون، -دەيدى ول.

 

جۇماسات عازيز                            

 

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار