ايماقتار • 07 ءساۋىر، 2020

سەمەيدە 61 جاستاعى ناۋقاستىڭ دەنساۋلىعى جاقسارا باستادى

376 رەتكورسەتىلدى

قازىر وكپەسىنەن جاساندى جەلدەتۋ قۇرىلعىسى الىنىپ، وزدىگىنەن دەمالىپ جاتىر.

جاسىراتىنى جوق، قازىر جاھانتورعا كىرۋگە دە قورقاتىن بولدىق. كىرسەڭىز، مىنا الەمدى جايلاعان دەرت تۋرالى اقپارات تاسقىنىنان قاراداي قاراپ جۇرەگىڭىز شايلىعادى. سونداي كەزدە كوڭىلگە دەم بەرەتىن، ويىڭىزدى ءبىر ءسات وڭاشاعا جەتەلەپ اكەتەتىن باسقا ءبىر دۇنيە ىزدەيسىز.

ل

كەشە الەۋمەتتىك جەلىدەن وبلىستىق دەنساۋلىق ساقتاۋ باسقارماسى باسشىسى ءىلياس مۇحامەدجاننىڭ مىنا ءبىر پوستىن وقىپ، «تورتكۇل دۇنيەنى الاڭداتقان ىندەتكە قارسى تۇرۋعا دا بولادى ەكەن-اۋ» دەگەن ءۇمىت وتى پايدا بولعانى راس.

د

«بۇگىنگى كۇنى ءبىزدىڭ وبلىستا 6 ادامنان كوروناۆيرۋس ينفەكتسياسى انىقتالعانى بەلگىلى. قازىر سەمەي مەن وسكەمەن دارىگەرلەرى كۇن-ءتۇن دەمەي، ۇيلەرىنە بارماستان ولاردى ەمدەۋگە بار كۇش-جىگەرلەرىن سالىپ جاتىر. ءبىر قۋانىشتىسى، 6 ءساۋىر كۇنى 28 ناۋرىزدان بەرى اۋرۋxانادا جاتقان 1959 جىلعى سەمەيلىك ەر ازاماتتىڭ جاعدايىنىڭ ءبىرشاما جاقسارعانى بايقالدى. ول كىسى العاش اۋرۋحاناعا تۇسكەندە وزدىگىنەن دەم الا الماي، وكپەسى جاساندى جەلدەتۋ اپپاراتىنا قوسىلعان بولاتىن. قازىر وكپەسىنەن جاساندى جەلدەتۋ قۇرىلعىسى الىنىپ، وزدىگىنەن دەمالىپ جاتىر. بۇل – سەمەي مەن وسكەمەن قالاسىنىڭ دارىگەرلەرىنىڭ، ونىڭ ىشىندە رەانيماتولوگتار مەن انەستەزيولوگتاردىڭ جانكەشتى ەڭبەگىنىڭ ناتيجەسى. ەشكىمدى دە بولە جارعىم كەلمەيدى. بارلىعى جۇدىرىقتاي جۇمىلىپ، بۇعان دەيىن ءوڭىردىڭ ەمحانالارىنا ساتىپ الىنعان زاماناۋي تەحنولوگيالار كومەگىمەن ناۋقاستاردى ەمدەپ جاتىر» دەپ جازىپتى باسقارما باسشىسى ءوزىنىڭ فەيسبۋكتەگى پاراقشاسىندا.

اك

اتى جامان ىندەتپەن كۇرەسىپ جاتقان دارىگەرلەردىڭ ۇيلەرىنە بارماي، ەمحاناعا قونىپ، جۇمىس ىستەپ جاتقانى بەلگىلى.

سا

وسى ورايدا ەرەكشە اتاپ وتەر دۇنيە، باستارىن قاۋىپ-قاتەرگە تىگىپ ەڭبەك ەتىپ جۇرگەن دارىگەرلەر مەن ولاردىڭ جاقىندارىنا وزگە اۋرۋحانالاردا جۇمىس ىستەيتىن ارىپتەستەرى دە كومەك قولىن سوزىپ، ءبىرى جەمىس-جيدەك، ەندى ءبىرى قازى-قارتا، قىمىز اكەلىپ، قولداۋ ءبىلدىرىپ جاتقان كورىنەدى. ال ۇيلەرىنە بارماي جۇمىس ىستەپ جاتقان دارىگەرلەر وزدەرى ەڭبەك ەتەتىن ەمحاناداعى ارنايى بولمەدە كەزەكشىلىكتەن تىس ۋاقىتتا كوڭىلدەرىن سەرگىتىپ، جاتتىعۋلار جاساپ، سپورتپەن شۇعىلدانادى ەكەن.

شىعىس قازاقستان وبلىسى

 سۋرەتتەر ءى.مۇحامەدجاننىڭ فەيسبۋكتەگى پاراقشاسىنان الىندى

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار