قوعام • 07 ءساۋىر، 2020

باتىرلار ءبىزدىڭ ورتامىزدا - ءماسليحات دەپۋتاتى

47 رەتكورسەتىلدى

كارانتين كەزىندە قازاقستاندىق دارىگەرلەر ءوز ومىرلەرىن تاۋەكەلگە تىگە ءجۇرىپ مىندەتىن ورىنداپ، تاۋلىك بويى كەزەكشىلىك اتقارۋدا. نۇر-سۇلتان قالالىق ءماسليحاتى دەپۋتاتى، قوعام قايراتكەرى قاراقات ابدەن ءوزىنىڭ فەيسبۋكتەگى پاراقشاسىندا دارىگەر-ارىپتەستەرىنىڭ ەڭبەگى جايلى ايتىپ بەردى، دەپ حابارلادى ەلوردا اكىمدىگىنىڭ ءباسپاسوز قىزمەتى.


«مەن دەنساۋلىعىمىزدى ساقتاپ، ادامدارعا ءۇمىت سىيلاپ، ۆيرۋستى جەڭۋ ميسسياسى جۇكتەلگەن بارلىق دارىگەرگە شىن جۇرەكتەن ءتانتىمىن. دارىگەرلەر اۋرۋ تاسىمالداۋشىلارمەن تىكەلەي بايلانىستا بولىپ، قاۋىپتى، قاتەرلى الاڭدا ءجۇر»، – دەپ جازادى ق.ابدەن.

ونىڭ ايتۋىنشا، بىردە-ءبىر دارىگەر ۆيرۋستى جۇقتىرۋ قاۋپىنە قاراماستان، ءوز قىزمەتىن تاستاماي، كاسىبي مىندەتىن تاباندىلىقپەن اتقارىپ كەلەدى.

«بارلىق قازاقستاندىقتارعا دارىگەرلىك جانە ازاماتتىق جاۋاپكەرشىلىكتى قوسا اتقارىپ جۇرگەن ەلوردا ءماسليحاتىنىڭ دارىگەر-دەپۋتاتتارى تۋرالى ايتقىم كەلەدى. ويتكەنى، ءماسليحات دەپۋتاتىنىڭ جۇمىسى اقى تولەنبەيتىن، قوعامدىق جۇمىس سانالادى»، – دەيدى ق. ابدەن.

نۇر-سۇلتان قالالىق «ونكولوگيا ورتالىعىنىڭ» باس دارىگەرى مۇحتار تولەۋتاەۆ ءوز ارىپتەستەرىمەن بىرگە كوروناۆيرۋسقا كۇدىكتى ادامداردى كارانتينگە العاش بولىپ قابىلداي باستاعان. تاجىريبەلى حيرۋرگ مۇحتار ەسەنجان ۇلى بۇگىندە ونكولوگيالىق اۋرۋحانادا ءوز قىزمەتىن اتقارۋدا. التىنشاش تابۋلدينا – №5 ەمحانانىڭ باس دارىگەرى. ماماندىعى – پەدياتر. التىنشاش جۇماشقىزى توتەنشە جاعداي كەزىندە ەلىمىزدەگى جۇزدەگەن ارىپتەستەرى سەكىلدى دەمالىس پەن جەكە ءومىر دەگەننىڭ نە ەكەنىن ۇمىتقان. قازىرگى تاڭدا ەمحانا دارىگەرلەرى ەڭ ۇلكەن قاۋىپ ايماعىندا. ولار كارانتينگە، ءوز دەنساۋلىعىنا تونگەن قاۋىپكە قاراماستان، كۇن سايىن جۇزدەگەن ادامدى قابىلدايدى. دەپۋتات قاراقات ابدەن ءوز جازباسىندا مەديتسينا عىلىمدارىنىڭ دوكتورى، پروفەسسور ءماجيت شايداروۆتى دا اتاپ ءوتتى.

باسشى-ستراتەگ، دارىگەر-ينفەكتسيونيست رەتىندە ءماجيت زەينۋللا ۇلىنىڭ مول تاجىريبەسى كوروناۆيرۋسپەن كۇرەستە پايدالى بولدى. ول ءوز بىلگەنىن ارىپتەستەرىمەن ءبولىسىپ، كۇنى-ءتۇنى قالا اۋرۋحانالارىندا بولىپ، مەديتسينالىق مەكەمەلەردىڭ جۇمىسىن ۇيىمداستىرۋعا كومەكتەسۋدە.

ء«بىز كوبىنە وزىمىزگە بەيتانىس ادامداردىڭ ارەكەتىنە تاڭدانامىز. باسقا ەلدەردەن باتىرلاردى ىزدەپ تابامىز. ەگەر جان-جاعىمىزعا قاراساق، ناعىز باتىرلار ءبىزدىڭ ارامىزداعى دارىگەرلەر، مەدبيكەلەر مەن باسقا دا مەديتسينا قىزمەتكەرلەرى ەكەنىن كورەمىز. وسى قيىن ۋاقىتتا ولاردىڭ بىزگە ايتقان كەڭەسىن تىڭداپ، قورقىنىشتى دەرتكە قارسى كۇرەستەگى زور ۇلەسىن باعالاپ جانە ەڭبەگى»، – دەيدى ق. ابدەن.

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار