سونىڭ ىشىندە تاماق ونىمدەرىن, مال شارۋاشىلىعى ونىمدەرىن, ءدارى-دارمەكتەر, مەديتسينالىق قۇرالدار, قۇرىلىس ماتەريالدارى, جانار-جاعار ماي ماتەريالدارى جانە تۇرعىنداردىڭ ءومىرى مەن وندىرىستىك قاجەتتىلىكتەرگە قاجەتتى باسقا دا ماتەريالداردى تاسىمالدايتىن جۇك كولىكتەرىنىڭ اتىراۋعا كىرۋىنە جانە شىعۋىنا رۇقسات ەتىلەدى.
وبلىستار مەن اۋداندار اراسىندا رەسمي جانە بەيرەسمي جەكە تاسىمالداۋشىلارمەن جولاۋشىلار تاسىمالىنا, سونداي-اق, اتىراۋ قالاسىندا رەسمي ەمەس جەكە تاسىمالداۋشىلارمەن جولاۋشىلار تاسىمالىنا تىيىم سالىنادى.
ساعات 21:00-دەن 06:00-گە دەيىن وبلىس جانە قالا اكىمدىكتەرى, قۇقىق قورعاۋ ورگاندارى, جەدەل جانە شۇعىل مەديتسينالىق كومەك, سانيتارلىق-ەپيدەميولوگيالىق قىزمەت, ءورت ءسوندىرۋ, اۆاريالىق-قۇتقارۋ جانە توتەنشە جاعدايلار قىزمەتكەرلەرىن قوسپاعاندا, اتىراۋ قالاسىندا ازاماتتار مەن كولىك قۇرالدارىنىڭ قوزعالىسىنا تىيىم سالىنادى.
ستراتەگيالىق ءوندىرىس وبەكتىلەرىنە, بايلانىس قۇرالدارىن قامتاماسىز ەتەتىن – تەلەكوممۋنيكاتسيا جۇمىسشىلارىنا (رەسمي مالىمەتى كورسەتىلگەن انىقتاما جانە جۇمىس ورنىنان انىقتاما ۇسىنعان كەزدە) رۇقسات ەتىلمەگەن ادامدارسىز جانە وتباسى مۇشەلەرىنسىز جۇرۋگە رۇقسات ەتىلەدى.
ساۋدا-ويىن-ساۋىق ورتالىقتارى مەن بازارلار, ازىق-ت ۇلىك سۋپەرماركەتتەرى, ازىق-ت ۇلىك دۇكەندەرى, جانار-جاعارماي بەكەتتەرىندەگى ساۋدا نۇكتەلەرى, ءدارىحانالار جانە قاجەتتى تاۋارلاردى ساتۋ جۇمىسى ساعات 20:00-دەن 9:00-گە دەيىن توقتاتىلادى.
ەكىنشى دەڭگەيلى بانك فيليالدارىنىڭ, پوشتا بايلانىسى مەن جەكە نوتاريۋستاردىڭ جۇمىس ۋاقىتى 09:00-دەن 17:00-گە دەيىن. كەزەك كۇتۋ كەزىندە ادامدار شوعىرلانباس ءۇشىن دەزينفەكتسيالىق ءىس-شارالاردى جۇرگىزۋمەن جانە توتەنشە جاعداي رەجيمى كەزىندە قابىلدانعان وزگە دە سانيتارلىق تالاپتاردى ساقتاي وتىرىپ, 3 ادامعا دەيىنگى الەۋمەتتىك قاشىقتىق (كەمىندە 2 مەتر) قاداعالانادى.
ءۇي-جايلاردىڭ ىشىندە جانە ىرگەلەس اۋماقتا, ونىڭ ىشىندە بانكوماتتار, كاسسالار مەن ساۋدا نۇكتەلەرىنىڭ جانىندا ۇيىمداستىرىلماعان كەزەكتەردىڭ بولۋىنا جول بەرىلمەۋى ءتيىس. كارانتين كەزەڭى مەن توتەنشە جاعداي كەزىندە سالتاناتتى وتباسىلىق ءىس-شارالاردى (3 ادامنان استام قوناق جينالۋى مۇمكىن تۋعان كۇن, ۇيلەنۋ تويى جانە ت.ب. جيىندار) وتكىزۋگە تىيىم سالىنادى.
اينالما جولدار ارقىلى ءوتۋ مەن اتىراۋ قالاسىنا رۇقساتسىز كىرۋ جانە شىعۋ فاكتىلەرىنىڭ الدىن الۋ ماقساتىندا وبلىستىق پوليتسيا دەپارتامەنتىنە قر ۇلتتىق گۆاردياسىنىڭ 5546 اسكەري بولىمىمەن بىرلەسىپ اۆتوموبيل جولدارى مەن بلوك-پوستتاردى كۇزەتۋ ءۇشىن ءموبيلدى توپتار قۇرۋ تاپسىرىلدى.
سونىمەن قاتار اتىراۋ وبلىسى قىلمىستىق-اتقارۋ جۇيەسى دەپارتامەنتىنىڭ باسشىسىنا سوتتىڭ ۇكىمى زاڭدى كۇشىنە ەنگەن تەرگەۋ يزولياتورىنا جاقىن ورنالاسقان قىلمىستىق اتقارۋ ورىندارىنا كونۆويلار جىبەرۋ تاپسىرىلدى. سونداي-اق, سانيتارلىق-ەپيدەميولوگيالىق نورمالاردىڭ ساقتالۋى دا قامتاماسىز ەتۋى ءتيىس.
جۇماسات عازيز
