ىلە پوليگونىندا «دالا قىرانى – 2013» حالىقارالىق بىتىمگەرلىك جاتتىعۋى اياقتالدى. الەمنىڭ 12 ەلىنەن كەلگەن اسكەري قىزمەتشىلەر ەكى اپتا بويى بىرلەسكەن وپەراتسيالاردى وتكىزۋدىڭ قىر-سىرلارىن مەڭگەردى.
ىلە پوليگونىندا «دالا قىرانى – 2013» حالىقارالىق بىتىمگەرلىك جاتتىعۋى اياقتالدى. الەمنىڭ 12 ەلىنەن كەلگەن اسكەري قىزمەتشىلەر ەكى اپتا بويى بىرلەسكەن وپەراتسيالاردى وتكىزۋدىڭ قىر-سىرلارىن مەڭگەردى.
«قازباتتىڭ» جاۋىنگەرلەرى اسكەري دايىندىقتارىنىڭ جوعارى دەڭگەيدە ەكەندىكتەرىن كورسەتتى. شەتەلدىك ارىپتەستەر قازاقستاندىق اسكەريلەردىڭ ۇزدىك ناتيجەلەرىن اتاپ ءوتتى. «قازباتتىڭ» پاترۋلدىك دەسانتتى شابۋىلداۋشى بريگاداسى ەلدى مەكەندى تازارتۋ, مينالاردى زالالسىزداندىرۋ, جارالىلاردى تىكۇشاقپەن تاسىمالداۋ جانە گۋمانيتارلىق جۇكتەردى الىپ ءجۇرۋ سياقتى شارالاردى جۇزەگە اسىرۋعا قاتىستى. سونىمەن بىرگە, قازاقستاندىق ءبىتىمگەرلەر «دالا قىرانى – 2013» حالىقارالىق بىتىمگەرلىك جاتتىعۋىنا قاتىسۋشى ەلدەر قارۋلى كۇشتەرىنىڭ وكىلدەرىمەن بىرگە بلوك-پوستقا جاسالعان شارتتى تۇردەگى سودىرلاردىڭ شابۋىلىن تويتارا ءبىلدى. ءبىر اتاپ وتەتىن جايت – پوليگونداعى احۋال شىنايىلىققا پارا-پار جاعدايدا بولدى.
اقش, يتاليا, ۇلىبريتانيا جانە باسقا دا جاتتىعۋعا قاتىسۋشى ەلدەردىڭ اسكەري كومانديرلەرى, قازاقستان ارمياسىنىڭ بىتىمگەرلىك ميسسيانى ورىنداۋدا زور الەۋەتكە يە بولىپ وتىرعاندىعىن جانە «قازبات» بۇۇ شەڭبەرىندە كەز كەلگەن مەملەكەتتە باسقا ەلدەردىڭ قارۋلى كۇشتەرىمەن بىرلەسىپ ارەكەت ەتۋگە دايىن ەكەنىن اتاپ ءوتتى.
جاتتىعۋعا قاتىسقان ناتو ساراپشىلارى «قازباتتىڭ» ءىس-قيمىلىنىڭ جوعارى دەڭگەيدە ەكەندىگىنە تاڭدانىستارىن جاسىرمادى.
«ەگەمەن-اقپارات».
