«مەن ءۇشىن جۇمىر جەردىڭ جۇماعى – ءوز تۋعان جەرىم». كورنەكتى ەكونوميست عالىم, اكادەميك كەنجەعالي ساعاديەۆ جۋرناليستەرگە بەرگەن ءبىر سۇحباتىندا وسىلاي دەگەن ەدى. وسى پىكىرىن ءوزىنىڭ كىندىك قانى تامعان اقكولىنىڭ اۋاسىن جۇتىپ, توپىراعىنا اۋناعاندا دا, ارقالىق قالاسىنا, تورعايعا, امانگەلدى مەن ناۋىرزىمعا بارعاندا دا, ءبىلىم نارىمەن سۋسىنداعان اۋليەكولگە كەلگەندە دە, قوستاناي قالاسىنىڭ جۇرتشىلىعىمەن كەزدەسكەندە دە قايتالادى.
«مەن ءۇشىن جۇمىر جەردىڭ جۇماعى – ءوز تۋعان جەرىم». كورنەكتى ەكونوميست عالىم, اكادەميك كەنجەعالي ساعاديەۆ جۋرناليستەرگە بەرگەن ءبىر سۇحباتىندا وسىلاي دەگەن ەدى. وسى پىكىرىن ءوزىنىڭ كىندىك قانى تامعان اقكولىنىڭ اۋاسىن جۇتىپ, توپىراعىنا اۋناعاندا دا, ارقالىق قالاسىنا, تورعايعا, امانگەلدى مەن ناۋىرزىمعا بارعاندا دا, ءبىلىم نارىمەن سۋسىنداعان اۋليەكولگە كەلگەندە دە, قوستاناي قالاسىنىڭ جۇرتشىلىعىمەن كەزدەسكەندە دە قايتالادى. ءوزىنىڭ 75 جاسقا كەلگەن مەرەيتويىنىڭ قۇرمەتىنە تورعاي جەرىنەن باستاعان ساپارىن قوستانايدا تۇيىندەگەن كەنجەعالي ابەن ۇلىنىڭ قۇرمەتىنە ارنالعان كەش وبلىس ورتالىعىنداعى ءى.وماروۆ اتىنداعى قازاق دراما تەاترىندا ءوتتى. وبلىس اكىمى نۇرالى سادۋاقاسوۆ اكادەميكتى مەرەيجاسىمەن قۇتتىقتاپ, «قوستاناي وبلىسىنىڭ قۇرمەتتى ازاماتى» قۇرمەتتى اتاعىنىڭ №1 كۋالىگىن تابىس ەتىپ, يىعىنا شاپان جاپتى. كەنجەعالي ساعاديەۆپەن بىرگە كەلگەن كورنەكتى جازۋشى, قازاقستاننىڭ ەڭبەك ەرى ءابىش كەكىلباەۆ, پارلامەنت ءماجىلىسىنىڭ دەپۋتاتى قۋانىش سۇلتانوۆ, وبلىستىق ارداگەرلەر كەڭەسىنىڭ توراعاسى كەنجەبەك ۋكين مەرەيتوي يەسىن قۇتتىقتادى.
– حالقىنىڭ وزىنەن بۇرىنعى ءىز سالىپ كەتكەن احمەت بايتۇرسىنوۆ, قانىش ساتباەۆ سەكىلدى ءىرى تۇلعالارىنىڭ مۇراگەرى بولىپ, سولار ارمانداعان عىلىم بيىگىنە شىقتى. ول شىققان بيىگىن ءوزىن ناسيحاتتاۋ ءۇشىن ەمەس, حالقىنا قىزمەت ەتۋگە پايدالانىپ كەلەدى. ءوزى دە حالقىنىڭ ءبىر كەلبەتىنە اينالدى, – دەدى پارلامەنت ءماجىلىسىنىڭ دەپۋتاتى قۋانىش سۇلتانوۆ.
– مەنىڭ بابالارىم بىرنەشە عاسىر بۇرىن اقكول مەن اۋليەكولدىڭ اراسىن جايلاعان ەكەن. ءوزىم دە بالا كەزدە وسى ەكى ارانى شارلايتىن ەدىم. جاسىم جەتپىس بەسكە كەلگەندە سول تۋعان جەردى تۇلەتىپ تۇرىپ جاتقان اتالارىمنان قالعان ۇرپاقتىڭ ءجۇزىن كورەيىن, سالەم بەرەيىن دەگەن ويمەن بالالىعىم, جاستىعىم وتكەن تۋعان جەردى ارالاۋدى ءجون كوردىم. ارقالىق, تورعاي, امانگەلدى, ناۋىرزىم, اۋليەكولدە بىرنەشە كەزدەسۋلەر بولدى. سوندا جەرلەستەرىمنىڭ جارقىن ءجۇزىن, جىلى جۇرەگىن, بولاشاققا سەنىمىن كورىپ, كوڭىلىم بيىكتەدى, – دەدى كەنجەعالي ابەن ۇلى تەبىرەنىپ.
اكادەميك بۇل ساپارىن تەك مەرەيتويدى تويلاۋ ەمەس, پەرزەنتتىڭ تۋعان جەرگە ەسەپ بەرۋى ەكەنىن دە ايتا كەتتى.
تۋعان جەردەگى كەزدەسۋلەردىڭ بارلىعى دا ۇلكەن تۇلعانىڭ مەرەيىن اسىرىپ قانا قويعان جوق, ونىڭ جەرلەستەرىنە بەرگەن ونەگە, تاعلىمىمەن دە ەرەكشەلەندى, قادىرى ارتا ءتۇستى. بالا بولىپ كەتىپ, دانا بولىپ ورالعان پەرزەنتىن تۋعان جەر ءان-جىرمەن دە ايالادى.
ءنازيرا جارىمبەتوۆا,
«ەگەمەن قازاقستان».
قوستاناي.
