بيىل «نۇرلى جەر» باعدارلاماسىنىڭ اياسىندا 15 ملن شارشى مەتر نەمەسە 150 مىڭ تۇرعىن ءۇي سالۋ جوسپارلانعان. مەملەكەتتىك ينۆەستيتسيالار ەسەبىنەن الەۋمەتتىك جالعا بەرىلەتىن جانە كرەديتتىك 38 300 پاتەر (2,2 ملن شارشى مەتر) ساتىپ الىنادى جانە سالىنادى.
ونىڭ ىشىندە ساتىپ الۋ قۇقىعىنسىز جالعا بەرىلەتىن تۇرعىن ءۇي سالۋعا جانە ساتىپ الۋعا 90 ملرد تەڭگە كوزدەلگەن.
جالعا بەرىلەتىن تۇرعىن ۇيمەن 12 600 وتباسىنى قامتاماسىز ەتۋ جوسپارلانعان, سونىڭ ىشىندە:
- 6 000 كوپ بالالى وتباسى;
- 1 000 جاس مامان;
- 5 600 حالىقتىڭ الەۋمەتتىك وسال توپتارىنىڭ ساناتىنا جاتاتىن كەزەكتە تۇرعاندار.
ق. وسكەنباەۆ حابارلاعانداي, كرەديتتىك تۇرعىن ءۇي قۇرىلىسىنا 2017 جىلدان باستاپ 207 ملرد تەڭگە باعىتتالدى. بۇل قاراجات اكىمدىكتەردە رەۆولۆەرلىك نەگىزدە اينالىمدا, سونىڭ ىشىندە جىل سايىن شامامەن 101 ملرد تەڭگەگە تۇرعىن ءۇيدى پايدالانۋعا بەرۋدى قامتاماسىز ەتەدى.
«مەملەكەت باسشىسىنىڭ تاپسىرماسى بويىنشا ۇلتتىق بانك داعدارىس كەزىندە قۇرىلىس سالاسىن قولداۋ جانە حالىقتى جۇمىسپەن قامتۋ ءۇشىن 180 ملرد تەڭگە قوسىمشا ءبولدى. وسى قاراجاتتى الۋ ءۇشىن اكىمدىكتەر وبليگاتسيالار شىعارۋعا دايىندالىپ جاتىر. وبليگاتسيالار شىعارۋ 7 ساۋىرگە جوسپارلانعان», — دەدى يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى.
4 ءوڭىر (نۇر-سۇلتان قالاسى, جامبىل, قىزىلوردا, قوستاناي وبلىستارى) وبليگاتسيالاردى ساتىپ الۋعا دايىن, 12 ءوڭىر ىسكە اسىرىپ جاتىر. بارلىعى كرەديتتىك تۇرعىن ۇيمەن 25 700 وتباسى قامتاماسىز ەتىلەتىن بولادى.
«تۇرعىن ءۇي قۇرىلىس جيناق بانكى اعىمداعى جىلى 49 ملرد تەڭگە ەسەبىنەن كوپ بالالى وتباسىلارعا, تولىق ەمەس وتباسىلارعا جانە مۇگەدەك بالالارى بار وتباسىلارعا جىلدىعى 2%-بەن جەڭىلدىكتى قارىزدار بەرۋدى جالعاستىرادى. تۇرعىن ءۇي جاعدايلارىن 5 مىڭ ازامات جاقسارتادى. بۇگىنگى كۇنى تۇرعىن ءۇي قۇرىلىس جيناق بانكى 2019 جىلدان باستاپ 49,3 ملرد تەڭگە سوماسىنا 4955 قارىز بەرگەن», — دەدى ق. وسكەنباەۆ.
بۇگىنگى كۇنى ەكونوميكانىڭ تۇراقتىلىعىن قامتاماسىز ەتۋ جانە جۇمىس ورىندارىن ساقتاۋ اياسىندا «نۇرلى جەر» باعدارلاماسىنا وزگەرىستەر ەنگىزۋ تۋرالى قاۋلىنىڭ جوباسى ازىرلەندى. نەگىزگى وزگەرىستەر مەملەكەتتىك-جەكەشەلىك ارىپتەستىك تەتىگىن ەنگىزۋ بولىگىندە پيلوتتىق جوبانى ىسكە اسىرۋعا, قارجىلاندىرۋدى 180 ملرد. تەڭگەگە ۇلعايتۋعا, 1 شارشى مەتر ءۇشىن قۇرىلىستىڭ شەكتى قۇنىن ارتتىرۋعا جانە كرەديتتىك تۇرعىن ءۇي بويىنشا ناتيجەلەر كورسەتكىشتەرىن تۇزەتۋگە بايلانىستى.
«وتاندىق قۇرىلىستى قولداۋ كەزىندە قۇرىلىس يندۋسترياسىنا ەرەكشە ءمان بەرىلەدى. بۇگىنگى كۇنى قۇرىلىس ونىمدەرى نارىعىندا نەگىزگى ماتەريالدارعا قاجەتتىلىك 669 ملرد تەڭگەنى قۇرايدى. 330 ملرد تەڭگەگە ءونىم ءوندىرىلىپ جاتىر. يمپورتتى الماستىرۋ جۇمىسى شەڭبەرىندە 33 جاڭا جوبا ىسكە اسىرىلىپ جاتىر. وسى كاسىپورىندار ىسكە قوسىلعاننان كەيىن يمپورتتىڭ ۇلەسى 54%-عا تومەندەيدى», — دەدى ق. وسكەنباەۆ.
سونىمەن قاتار تاباقتى شىنىعا قاجەتتىلىكتى جابۋ ءۇشىن قىزىلوردا وبلىسىندا قۇنى 32 ملرد. تەڭگە بولاتىن شىنى زاۋىتى سالىنىپ جاتىر. قوسىمشا نۇر-سۇلتان قالاسىندا قۇنى 13 ملرد تەڭگە بولاتىن پوليەتيلەندى قۇبىر ءوندىرىسى ىسكە قوسىلدى («Kerim plastik pipes» جشس). كەراميكا ءوندىرىسى («زەردە كەراميكا اقتوبە» جشس) 26 ملرد تەڭگەگە جانە ارماتۋرا ءوندىرىسى 40 ملرد تەڭگەگە («تاراز ارماتۋرا زاۋىتى» جشس) ۇلعايادى. قوسىمشا ءىرى قۇرىلىس كومپانيالارىمەن جانە «سامۇرىق-قازىنا» ۇلتتىق ءال-اۋقات قورى» اق-مەن بىرلەسىپ «قاراپايىم زاتتار ەكونوميكاسى» باعدارلاماسى اياسىندا 100% يمپورت الماستىراتىن وتقا ءتوزىمدى كىرپىش, جابىن ماتەريالدارى, سانفايانس جانە لاك-بوياۋ بۇيىمدارى ءوندىرىسى جوبالارىن ىسكە قوسۋ ماسەلەسى پىسىقتالىپ جاتىر.
بۇگىنگى كۇنى قۇرىلىس سالاسىنا جانە ارالاس سالالارعا (قۇرىلىس يندۋسترياسى, لوگيستيكا, ساۋدا, قىزمەت كورسەتۋ جانە ت.ب.) شامامەن 642 مىڭ قازاقستاندىق تارتىلعان.
تۇرعىن ءۇي قۇرىلىسىنىڭ پيلوتتىق جوباسى بويىنشا قوسىمشا بولىنگەن قاراجات شەڭبەرىندە 15 مىڭ جۇمىس ورنى قۇرىلىپ جاتىر. قۇرىلىس يندۋسترياسىندا 29 مىڭنان استام ازامات جۇمىسقا ورنالاستى. يمپورتتى الماستىراتىن 33 كاسىپورىندا شامامەن 8 مىڭ جۇمىسشى ەڭبەك ەتەتىن بولادى.
«اسىرەسە, وڭتۇستىك وڭىرلەردە قۇرىلىس ماۋسىمى باستالدى. قۇرىلىس جۇمىستارى قارقىندى جۇرگىزىلۋى ءتيىس. ال كەيبىر وڭىرلەر كەيىنىرەك قارجىلاندىرۋدى كوزدەپ وتىر. بۇل نىسانداردى ۋاقىتىلى پايدالانۋعا بەرۋگە تەرىس ىقپالىن تيگىزەدى. وڭىرلەردى جۇمىستاردى جەدەلدەتىپ, تۇرعىن ۇيلەردى پايدالانۋعا بەرۋ بويىنشا جوسپارلى كورسەتكىشتەردى قامتاماسىز ەتۋدى سۇرايمىن», - دەپ قوستى پرەمەر-ءمينيستردىڭ ورىنباسارى رومان سكليار.
ونىڭ ايتۋىنشا, اكىمدىكتەر وبليگاتسيالاردى ساتىپ, «بايتەرەك» ۇبح» اق-ىنان قارجى الۋعا ءازىر بولۋى ءتيىس. الايدا وڭىرلەر ۇيىمداستىرۋشىلىق ماسەلەلەرىن ءالى كۇنگە دەيىن تولىق پىسىقتاپ ۇلگەرگەن جوق. وڭىرلەردىڭ اينالىمىندا «بايتەرەك» ۇبح» اق-ىنان تۇرعىن ءۇي سالۋعا تارتىلعان قاراجات بار, بىراق ولار مىندەتتەمەلەرىن وتەۋگە تارتۋ تۋرالى ءوتىنىش بىلدىرگەن جوق. بۇعان جول بەرۋگە بولمايدى, سەبەبى بۇل قاراجاتتىڭ اينالۋى مەن تۇرعىن ءۇيدىڭ پايدالانۋعا بەرىلۋىنە ىقپال ەتەدى. باعدارلاما تالاپتارىن مۇلتىكسىز ساقتاۋ قاجەت.
