جاقىندا «قازاقستان» رترك» اق ءتورايىمى ن.مۇحامەدجانوۆا مەن BBC World News-ءتىڭ كوممەرتسيالىق وكىلى س.ستانوۆكين تەلەراديو سالاسىنىڭ ەڭ وزىق جەتىستىكتەرىن يگەرۋ جانە ونى وندىرىسكە ەنگىزۋ تۋرالى ۇزاق مەرزىمدى ىنتىماقتاستىق مەموراندۋمىنا قول قويدى.
جاقىندا «قازاقستان» رترك» اق ءتورايىمى ن.مۇحامەدجانوۆا مەن BBC World News-ءتىڭ كوممەرتسيالىق وكىلى س.ستانوۆكين تەلەراديو سالاسىنىڭ ەڭ وزىق جەتىستىكتەرىن يگەرۋ جانە ونى وندىرىسكە ەنگىزۋ تۋرالى ۇزاق مەرزىمدى ىنتىماقتاستىق مەموراندۋمىنا قول قويدى.
كەلىسىم نەگىزىندە كەلەشەكتە «قازاقستان» رترك» اق جانە BBC World News اراسىندا ورتاق جوبالار دايىندالىپ, ماماندار تاجىريبە الماسادى دەپ كۇتىلۋدە. سونىمەن قاتار, كورپوراتسيا حالىقارالىق تەلەراديو سالاسىنىڭ زاماناۋي تەحنولوگياسى مەن وزىق تاجىريبەسىن يگەرۋدى جانە ونى قولدانىسقا ەنگىزۋدى كوزدەيدى.
BBC World News وكىلدىگىنىڭ باسشىسى سەرگەي ستانوۆكين بۇل مەموراندۋمدى ەكى كورپوراتسيا اراسىنداعى بۇرىننان بەرى قالىپتاسقان ارىپتەستىك قارىم-قاتىناستى ودان ءارى نىعايتۋ دەپ سانايدى. مىسالى, «قازاقستان» ۇلتتىق ارناسى BBC World News -پەن بىرلەسە وتىرىپ, قازاق كورەرمەندەرىنە «قازاقستان – ەۋرازيانىڭ جۇرەگى» اتتى روليكتى مەملەكەتتىك تىلدە كورسەتتى.
«مەموراندۋم بويىنشا, قوس كورپوراتسيا اقپارات پەن ءتاجىريبە الماسىپ قانا قويماي, بولاشاقتا قازاقستاندىقتارمەن قاتار حالىقارالىق اۋديتورياعا دا قىزىقتى جوبالار ۇسىنۋ», – دەدى س.ستانوۆكين.
«قازاقستان» رترك» اق ءتورايىمى نۇرجان مۇحامەدجانوۆا BBC World News-پەن ارىپتەستىك بايلانىس كورپوراتسيانىڭ دامۋىنا جاڭا سەرپىن بەرەتىنىنە سەنىم ءبىلدىردى. ءارى شىعارماشىلىق جانە تەحنيكالىق مامانداردىڭ كاسىبي بىلىكتىلىگىن جەتىلدىرۋدە, تەلەۆيزيالىق جاڭا تەحنولوگيانى مەڭگەرۋدە مۇنداي قارىم-قاتىناستاردىڭ وتە-موتە ءتيىمدى ەكەندىگىن جەتكىزدى.
«ەگەمەن-اقپارات».
